-
Leia por capÃtulos
-
Hebrew Stuttgart Bible with vowels (OT) -
-
17
|1 Samuel 19:17|
וַיֹּאמֶר שָׁאוּל אֶל־מִיכַל לָמָּה כָּכָה רִמִּיתִנִי וַתְּשַׁלְּחִי אֶת־אֹיְבִי וַיִּמָּלֵט וַתֹּאמֶר מִיכַל אֶל־שָׁאוּל הוּא־אָמַר אֵלַי שַׁלְּחִנִי לָמָה אֲמִיתֵךְ׃
-
18
|1 Samuel 19:18|
וְדָוִד בָּרַח וַיִּמָּלֵט וַיָּבֹא אֶל־שְׁמוּאֵל הָרָמָתָה וַיַּגֶּד־לֹו אֵת כָּל־אֲשֶׁר עָשָׂה־לֹו שָׁאוּל וַיֵּלֶךְ הוּא וּשְׁמוּאֵל וַיֵּשְׁבוּ [כ= בְּנֹוִית] [ק= בְּנָיֹות]׃
-
19
|1 Samuel 19:19|
וַיֻּגַּד לְשָׁאוּל לֵאמֹר הִנֵּה דָוִד [כ= בְּנֹוִית] [ק= בְּנָיֹות] בָּרָמָה׃
-
20
|1 Samuel 19:20|
וַיִּשְׁלַח שָׁאוּל מַלְאָכִים לָקַחַת אֶת־דָּוִד וַיַּרְא אֶת־לַהֲקַת הַנְּבִיאִים נִבְּאִים וּשְׁמוּאֵל עֹמֵד נִצָּב עֲלֵיהֶם וַתְּהִי עַל־מַלְאֲכֵי שָׁאוּל רוּחַ אֱלֹהִים וַיִּתְנַבְּאוּ גַּם־הֵמָּה׃
-
21
|1 Samuel 19:21|
וַיַּגִּדוּ לְשָׁאוּל וַיִּשְׁלַח מַלְאָכִים אֲחֵרִים וַיִּתְנַבְּאוּ גַּם־הֵמָּה וַיֹּסֶף שָׁאוּל וַיִּשְׁלַח מַלְאָכִים שְׁלִשִׁים וַיִּתְנַבְּאוּ גַּם־הֵמָּה׃
-
22
|1 Samuel 19:22|
וַיֵּלֶךְ גַּם־הוּא הָרָמָתָה וַיָּבֹא עַד־בֹּור הַגָּדֹול אֲשֶׁר בַּשֶּׂכוּ וַיִּשְׁאַל וַיֹּאמֶר אֵיפֹה שְׁמוּאֵל וְדָוִד וַיֹּאמֶר הִנֵּה [כ= בְּנֹוִית] [ק= בְּנָיֹות] בָּרָמָה׃
-
23
|1 Samuel 19:23|
וַיֵּלֶךְ שָׁם אֶל־[כ= נֹוִית] [ק= נָיֹות] בָּרָמָה וַתְּהִי עָלָיו גַּם־הוּא רוּחַ אֱלֹהִים וַיֵּלֶךְ הָלֹוךְ וַיִּתְנַבֵּא עַד־בֹּאֹו [כ= בְּנֹוִית] [ק= בְּנָיֹות] בָּרָמָה׃
-
24
|1 Samuel 19:24|
וַיִּפְשַׁט גַּם־הוּא בְּגָדָיו וַיִּתְנַבֵּא גַם־הוּא לִפְנֵי שְׁמוּאֵל וַיִּפֹּל עָרֹם כָּל־הַיֹּום הַהוּא וְכָל־הַלָּיְלָה עַל־כֵּן יֹאמְרוּ הֲגַם שָׁאוּל בַּנְּבִיאִם׃ ף
-
1
|1 Samuel 20:1|
וַיִּבְרַח דָּוִד [כ= מִנֹּוִות] [ק= מִנָּיֹות] בָּרָמָה וַיָּבֹא וַיֹּאמֶר לִפְנֵי יְהֹונָתָן מֶה עָשִׂיתִי מֶה־עֲוֹנִי וּמֶה־חַטָּאתִי לִפְנֵי אָבִיךָ כִּי מְבַקֵּשׁ אֶת־נַפְשִׁי׃
-
2
|1 Samuel 20:2|
וַיֹּאמֶר לֹו חָלִילָה לֹא תָמוּת הִנֵּה [כ= לֹו] [ק= לֹא]־[כ= עָשָׂה] [ק= יַעֲשֶׂה] אָבִי דָּבָר גָּדֹול אֹו דָּבָר קָטֹן וְלֹא יִגְלֶה אֶת־אָזְנִי וּמַדּוּעַ יַסְתִּיר אָבִי מִמֶּנִּי אֶת־הַדָּבָר הַזֶּה אֵין זֹאת׃
-
-
Sugestões
Clique para ler Apocalipse 22-22