-
-
Hebrew Stuttgart Bible with vowels (OT) -
-
21
|Daniel 4:21|
דְּנָה פִשְׁרָא מַלְכָּא וּגְזֵרַת [כ= עִלָּיָא] [ק= עִלָּאָה] הִיא דִּי מְטָת עַל־[כ= מַרְאִי] [ק= מָרִי] מַלְכָּא׃
-
22
|Daniel 4:22|
וְלָךְ טָרְדִין מִן־אֲנָשָׁא וְעִם־חֵיוַת בָּרָא לֶהֱוֵה מְדֹרָךְ וְעִשְׂבָּא כְתֹורִין לָךְ יְטַעֲמוּן וּמִטַּל שְׁמַיָּא לָךְ מְצַבְּעִין וְשִׁבְעָה עִדָּנִין יַחְלְפוּן [כ= עֲלַיִךְ] [ק= עֲלָךְ] עַד דִּי־תִנְדַּע דִּי־שַׁלִּיט [כ= עִלָּיָא] [ק= עִלָּאָה] בְּמַלְכוּת אֲנָשָׁא וּלְמַן־דִּי יִצְבֵּא יִתְּנִנַּהּ׃
-
23
|Daniel 4:23|
וְדִי אֲמַרוּ לְמִשְׁבַּק עִקַּר שָׁרְשֹׁוהִי דִּי אִילָנָא מַלְכוּתָךְ לָךְ קַיָּמָה מִן־דִּי תִנְדַּע דִּי שַׁלִּטִן שְׁמַיָּא׃
-
24
|Daniel 4:24|
לָהֵן מַלְכָּא מִלְכִּי יִשְׁפַּר [כ= עֲלַיִךְ] [ק= עֲלָךְ] [כ= וַחֲטָיָךְ] [ק= וַחֲטָאָךְ] בְּצִדְקָה פְרֻק וַעֲוָיָתָךְ בְּמִחַן עֲנָיִן הֵן תֶּהֱוֵא אַרְכָה לִשְׁלֵוְתָךְ׃
-
25
|Daniel 4:25|
כֹּלָּא מְּטָא עַל־נְבוּכַדְנֶצַּר מַלְכָּא׃ ף
-
26
|Daniel 4:26|
לִקְצָת יַרְחִין תְּרֵי־עֲשַׂר עַל־הֵיכַל מַלְכוּתָא דִּי בָבֶל מְהַלֵּךְ הֲוָה׃
-
27
|Daniel 4:27|
עָנֵה מַלְכָּא וְאָמַר הֲלָא דָא־הִיא בָּבֶל רַבְּתָא דִּי־אֲנָה בֱנַיְתַהּ לְבֵית מַלְכוּ בִּתְקַף חִסְנִי וְלִיקָר הַדְרִי׃
-
28
|Daniel 4:28|
עֹוד מִלְּתָא בְּפֻם מַלְכָּא קָל מִן־שְׁמַיָּא נְפַל לָךְ אָמְרִין נְבוּכַדְנֶצַּר מַלְכָּא מַלְכוּתָה עֲדָת מִנָּךְ׃
-
29
|Daniel 4:29|
וּמִן־אֲנָשָׁא לָךְ טָרְדִין וְעִם־חֵיוַת בָּרָא מְדֹרָךְ עִשְׂבָּא כְתֹורִין לָךְ יְטַעֲמוּן וְשִׁבְעָה עִדָּנִין יַחְלְפוּן [כ= עֲלַיִךְ] [ק= עֲלָךְ] עַד דִּי־תִנְדַּע דִּי־שַׁלִּיט [כ= עִלָּיָא] [ק= עִלָּאָה] בְּמַלְכוּת אֲנָשָׁא וּלְמַן־דִּי יִצְבֵּא יִתְּנִנַּהּ׃
-
30
|Daniel 4:30|
בַּהּ־שַׁעֲתָא מִלְּתָא סָפַת עַל־נְבוּכַדְנֶצַּר וּמִן־אֲנָשָׁא טְרִיד וְעִשְׂבָּא כְתֹורִין יֵאכֻל וּמִטַּל שְׁמַיָּא גִּשְׁמֵהּ יִצְטַבַּע עַד דִּי שַׂעְרֵהּ כְּנִשְׁרִין רְבָה וְטִפְרֹוהִי כְצִפְּרִין׃
-
-
Sugerencias
Haga clic para leer Juan 14-15