-
Leer por capítulos:
-
Hebrew Stuttgart Bible with vowels (OT) -
-
23
|Deuteronomio 22:23|
כִּי יִהְיֶה [כ= נַעַר] [ק= נַעֲרָה] בְתוּלָה מְאֹרָשָׂה לְאִישׁ וּמְצָאָהּ אִישׁ בָּעִיר וְשָׁכַב עִמָּהּ׃
-
24
|Deuteronomio 22:24|
וְהֹוצֵאתֶם אֶת־שְׁנֵיהֶם אֶל־שַׁעַר הָעִיר הַהִוא וּסְקַלְתֶּם אֹתָם בָּאֲבָנִים וָמֵתוּ אֶת־[כ= הַנַּעַר] [ק= הַנַּעֲרָה] עַל־דְּבַר אֲשֶׁר לֹא־צָעֲקָה בָעִיר וְאֶת־הָאִישׁ עַל־דְּבַר אֲשֶׁר־עִנָּה אֶת־אֵשֶׁת רֵעֵהוּ וּבִעַרְתָּ הָרָע מִקִּרְבֶּךָ׃ ס
-
25
|Deuteronomio 22:25|
וְאִם־בַּשָּׂדֶה יִמְצָא הָאִישׁ אֶת־[כ= הַנַּעַר] [ק= הַנַּעֲרָה] הַמְאֹרָשָׂה וְהֶחֱזִיק־בָּהּ הָאִישׁ וְשָׁכַב עִמָּהּ וּמֵת הָאִישׁ אֲשֶׁר־שָׁכַב עִמָּהּ לְבַדֹּו׃
-
26
|Deuteronomio 22:26|
[כ= וְלַנַּעַר] [ק= וְלַנַּעֲרָה] לֹא־תַעֲשֶׂה דָבָר אֵין [כ= לַנַּעַר] [ק= לַנַּעֲרָה] חֵטְא מָוֶת כִּי כַּאֲשֶׁר יָקוּם אִישׁ עַל־רֵעֵהוּ וּרְצָחֹו נֶפֶשׁ כֵּן הַדָּבָר הַזֶּה׃
-
27
|Deuteronomio 22:27|
כִּי בַשָּׂדֶה מְצָאָהּ צָעֲקָה [כ= הַנַּעַר] [ק= הַנַּעֲרָה] הַמְאֹרָשָׂה וְאֵין מֹושִׁיעַ לָהּ׃ ס
-
28
|Deuteronomio 22:28|
כִּי־יִמְצָא אִישׁ [כ= נַעַר] [ק= נַעֲרָה] בְתוּלָה אֲשֶׁר לֹא־אֹרָשָׂה וּתְפָשָׂהּ וְשָׁכַב עִמָּהּ וְנִמְצָאוּ׃
-
29
|Deuteronomio 22:29|
וְנָתַן הָאִישׁ הַשֹּׁכֵב עִמָּהּ לַאֲבִי [כ= הַנַּעַר] [ק= הַנַּעֲרָה] חֲמִשִּׁים כָּסֶף וְלֹו־תִהְיֶה לְאִשָּׁה תַּחַת אֲשֶׁר עִנָּהּ לֹא־יוּכַל שַׁלְּחָהּ כָּל־יָמָיו׃ ס
-
1
|Deuteronomio 23:1|
לֹא־יִקַּח אִישׁ אֶת־אֵשֶׁת אָבִיו וְלֹא יְגַלֶּה כְּנַף אָבִיו׃ ס
-
2
|Deuteronomio 23:2|
לֹא־יָבֹא פְצוּעַ־דַּכָּא וּכְרוּת שָׁפְכָה בִּקְהַל יְהוָה׃ ס
-
3
|Deuteronomio 23:3|
לֹא־יָבֹא מַמְזֵר בִּקְהַל יְהוָה גַּם דֹּור עֲשִׂירִי לֹא־יָבֹא לֹו בִּקְהַל יְהוָה׃ ס
-
-
Sugerencias
Haga clic para leer 1 Corintios 11-13