-
Leer por capítulos:
-
Hebrew Stuttgart Bible with vowels (OT) -
-
21
|Ezequiel 40:21|
[כ= וְתָאֹו] [ק= וְתָאָיו] שְׁלֹושָׁה מִפֹּו וּשְׁלֹשָׁה מִפֹּו [כ= וְאֵילֹו] [ק= וְאֵילָיו] [כ= וְאֵלַמֹּו] [ק= וְאֵלַמָּיו] הָיָה כְּמִדַּת הַשַּׁעַר הָרִאשֹׁון חֲמִשִּׁים אַמָּה אָרְכֹּו וְרֹחַב חָמֵשׁ וְעֶשְׂרִים בָּאַמָּה׃
-
22
|Ezequiel 40:22|
[כ= וְחַלֹּונֹו] [ק= וְחַלֹּונָיו] [כ= וְאֵלַמֹּו] [ק= וְאֵלַמָּיו] [כ= וְתִמֹרֹו] [ק= וְתִמֹרָיו] כְּמִדַּת הַשַּׁעַר אֲשֶׁר פָּנָיו דֶּרֶךְ הַקָּדִים וּבְמַעֲלֹות שֶׁבַע יַעֲלוּ־בֹו [כ= וְאֵילַמֹּו] [ק= וְאֵילַמָּיו] לִפְנֵיהֶם׃
-
23
|Ezequiel 40:23|
וְשַׁעַר לֶחָצֵר הַפְּנִימִי נֶגֶד הַשַּׁעַר לַצָּפֹון וְלַקָּדִים וַיָּמָד מִשַּׁעַר אֶל־שַׁעַר מֵאָה אַמָּה׃
-
24
|Ezequiel 40:24|
וַיֹּולִכֵנִי דֶּרֶךְ הַדָּרֹום וְהִנֵּה־שַׁעַר דֶּרֶךְ הַדָּרֹום וּמָדַד [כ= אֵילֹו] [ק= אֵילָיו] [כ= וְאֵילַמֹּו] [ק= וְאֵילַמָּיו] כַּמִּדֹּות הָאֵלֶּה׃
-
25
|Ezequiel 40:25|
וְחַלֹּונִים לֹו [כ= וּלְאֵילַמֹּו] [ק= וּלְאֵילַמָּיו] סָבִיב סָבִיב כְּהַחֲלֹּנֹות הָאֵלֶּה חֲמִשִּׁים אַמָּה אֹרֶךְ וְרֹחַב חָמֵשׁ וְעֶשְׂרִים אַמָּה׃
-
26
|Ezequiel 40:26|
וּמַעֲלֹות שִׁבְעָה [כ= עֹלֹותֹו] [ק= עֹלֹותָיו] [כ= וְאֵלַמֹּו] [ק= וְאֵלַמָּיו] לִפְנֵיהֶם וְתִמֹרִים לֹו אֶחָד מִפֹּו וְאֶחָד מִפֹּו אֶל־[כ= אֵילֹו] [ק= אֵילָיו]׃
-
27
|Ezequiel 40:27|
וְשַׁעַר לֶחָצֵר הַפְּנִימִי דֶּרֶךְ הַדָּרֹום וַיָּמָד מִשַּׁעַר אֶל־הַשַּׁעַר דֶּרֶךְ הַדָּרֹום מֵאָה אַמֹּות׃
-
28
|Ezequiel 40:28|
וַיְבִיאֵנִי אֶל־חָצֵר הַפְּנִימִי בְּשַׁעַר הַדָּרֹום וַיָּמָד אֶת־הַשַּׁעַר הַדָּרֹום כַּמִּדֹּות הָאֵלֶּה׃
-
29
|Ezequiel 40:29|
[כ= וְתָאֹו] [ק= וְתָאָיו] [כ= וְאֵילֹו] [ק= וְאֵילָיו] [כ= וְאֵלַמֹּו] [ק= וְאֵלַמָּיו] כַּמִּדֹּות הָאֵלֶּה וְחַלֹּונֹות לֹו [כ= וּלְאֵלַמֹּו] [ק= וּלְאֵלַמָּיו] סָבִיב סָבִיב חֲמִשִּׁים אַמָּה אֹרֶךְ וְרֹחַב עֶשְׂרִים וְחָמֵשׁ אַמֹּות׃
-
30
|Ezequiel 40:30|
וְאֵלַמֹּות סָבִיב סָבִיב אֹרֶךְ חָמֵשׁ וְעֶשְׂרִים אַמָּה וְרֹחַב חָמֵשׁ אַמֹּות׃
-
-
Sugerencias
Haga clic para leer 1 Corintios 8-10