-
-
Maori -
-
1
|1 Timoteo 2:1|
¶ Na, ko taku whakahau tenei i te tuatahi o nga mea katoa, kia puta nga inoi, nga karakia, nga inoi wawao, nga whakawhetai, mo nga tangata katoa;
-
2
|1 Timoteo 2:2|
Mo nga kingi, mo te hunga whai mana katoa hoki: kia ata noho marie ai tatou i runga i nga whakaaro karakia, i nga tikanga mahara katoa.
-
3
|1 Timoteo 2:3|
He mea pai tenei, he mea e manakohia ana i te aroaro o te Atua, o to tatou Kaiwhakaora;
-
4
|1 Timoteo 2:4|
Ko tana nei e pai ai ko nga tangata katoa kia ora, kia haere mai hoki ki te matauranga ki te pono.
-
5
|1 Timoteo 2:5|
Kotahi tonu te Atua, kotahi te takawaenga o te Atua, o nga tangata, ko ia ano he tangata, ara ko Karaiti Ihu;
-
6
|1 Timoteo 2:6|
I hoatu nei i a ia hei utu mo te katoa; he mea kia whakaaturia i ona wa ake;
-
7
|1 Timoteo 2:7|
A meinga ana ahau hei karere, hei apotoro mo taua mea; he pono taku korero i roto i a te Karaiti, kahore aku teka; hei kaiwhakaako mo nga tauiwi i runga i te whakapono, i te pono.
-
8
|1 Timoteo 2:8|
Na, ko taku e pai ai, ko nga tane kia inoi i nga wahi katoa, kia tapu nga ringa ina ara, kaua he riri, he tautohetohe.
-
9
|1 Timoteo 2:9|
¶ Ko nga wahine hoki kia mau i te kakahu ataahua, kia tu whakama, kia whai whakaaro; kauaka te makawe whiri, te koura, te peara, te kakahu utu nui;
-
10
|1 Timoteo 2:10|
Engari ko te mea e tau ana mo nga wahine e whakaae ana ki te karakia, ara ko nga mahi pai.
-
-
Sugerencias
Haga clic para leer 1 Corintios 5-7