-
-
Maori -
-
1
|Hageo 1:1|
¶ I te rua o nga tau o Kingi Tariuha, i te ono o nga marama, i te ra tuatahi o te marama ka puta mai te kupu a Ihowa, he mea na Hakai poropiti, ki a Herupapera tama a Haratiera, kawana o Hura, raua ko te tino tohunga, ko Hohua tama a Iohereke; i me a ia.
-
2
|Hageo 1:2|
Ko te kupu tenei a Ihowa o nga mano, e mea ana ia, Ki ta tenei iwi, Kahore ano kia taea noatia te wa, te wa e hanga ai to Ihowa whare.
-
3
|Hageo 1:3|
Na ka puta mai te kupu a Ihowa, he mea na Hakai poropiti; i ki ia,
-
4
|Hageo 1:4|
Ko ta koutou wa ianei tenei, e mea ma, e noho ai i o koutou whare kua oti nei to roto hipoki, i te mea he ururua tenei whare?
-
5
|Hageo 1:5|
Na ko te kupu tenei a Ihowa o nga mano, Whakaaroa o koutou ara.
-
6
|Hageo 1:6|
He nui ta koutou i whakato ai, he iti ta koutou i mau mai ai; e kai ana, heoi kahore e makona; e inu ana, te ngata i te wai; e kakahu ana i o koutou, te mahana tetahi; e riro ana i te kaimahi te moni mo tana mahi, a whaowhina ana e ia ki roto ki te putea koputaputa.
-
7
|Hageo 1:7|
Ko te kupu tenei a Ihowa o nga mano, Whakaaroa o koutou ara.
-
8
|Hageo 1:8|
Pikitia te maunga, maua mai he rakau, hanga hoki te whare; a ka manako ahau ki reira, ka whai kororia ano ahau, e ai ta Ihowa.
-
9
|Hageo 1:9|
I tumanako hoki koutou kia maha, nana, he iti noa; ta koutou kawenga mai ki te whare, na kua puhipuhia e ahau. Mo te aha? e ai ta Ihowa o nga mano. Mo toku whare e ururua nei, kei te rere ia koutou ki tona whare, ki tona whare.
-
10
|Hageo 1:10|
Na reira i kaiponuhia ai te tomairangi o te rangi, he mea ki a koutou; na reira ano i kaiponuhia ai nga hua o te whenua.
-
-
Sugerencias
Haga clic para leer 1 Crónicas 28-29