-
Leer por capítulos:
-
Maori -
-
1
|Hechos 28:1|
¶ A ka ora matou, katahi ka mohio ko Merita te ingoa o te motu.
-
2
|Hechos 28:2|
Na kihai i nohinohi te atawhai a nga tangata maori ki a matou: ka tahuna he kapura, whakamanuhiritia ana matou katoa, no te mea e ua ana te ua, no te matao hoki.
-
3
|Hechos 28:3|
Na ka kohikohia e Paora he pupu wahie, a maka ana e ia ki te kapura: heoi puta mai ana he neke i te wera, ka mau ki tona ringa.
-
4
|Hechos 28:4|
A, i te kitenga o nga tangata maori i te ngarara e werewere ana ki tona ringa, ka mea ratou tetahi ki tetahi, Koia, he tangata kohuru tenei, ka ora nei ia i te moana, na kihai i tukua e te Tika kia ora.
-
5
|Hechos 28:5|
Otiia i ruia atu e ia te ngarara ki te kapura, a kihai ia i mate, kihai i aha.
-
6
|Hechos 28:6|
Na whanga noa ratou kia tetere ia, kia hinga whakarere ranei, kia mate: heoi ka roa noa to ratou whanganga, a, i te kitenga kahore he aha i pa ki a ia, ka puta ke o ratou whakaaro, ka mea, he atua ia.
-
7
|Hechos 28:7|
I taua wahi te kainga o te tino rangatira o te motu, ko Pupiriu te ingoa: he manuhiri matou nana; e toru nga ra i atawhaitia ai matou e ia.
-
8
|Hechos 28:8|
Na i te takoto te papa o Pupiriu, e mate ana i te kirika, i te koripi: heoi ka tomo a Paora ki a ia, ka inoi, ka whakapa i ona ringa ki a ia, a ora ake ia.
-
9
|Hechos 28:9|
A, i te meatanga o tenei, na ka haere mai ano era atu o te motu he mate o ratou, a whakaorangia ana:
-
10
|Hechos 28:10|
Nui atu ano te honore i whakahonoretia ai matou e ratou; a i to matou rerenga ka utaina nga mea e rite ana ma matou.
-
-
Sugerencias
Haga clic para leer 1 Corintios 11-13