-
Leer por capítulos:
-
Maori -
-
1
|Hechos 3:1|
¶ Na e haere tahi atu ana a pita raua ko Hoani ki te temepara i te haora inoi, i te iwa o nga haora.
-
2
|Hechos 3:2|
Na ka kawea mai tetahi tangata, he kopa no te kopu mai ano o tona whaea, he mea whakatakoto i nga ra katoa ki te kuwaha o te temepara i huaina nei ko Ataahua, ki te tono mea mana i te hunga e tomo ana ki te temepara;
-
3
|Hechos 3:3|
No tona kitenga i a Pita raua ko Hoani meake tomo ki te temepara, ka tono ia i tetahi mea mana.
-
4
|Hechos 3:4|
Na ka whakamau atu nga kanohi o Pita raua ko Hoani ki a ia, ka mea, Titiro mai ki a maua.
-
5
|Hechos 3:5|
Ka whakarongo ia ki a raua, hua noa e riro mai tetahi mea a raua mana.
-
6
|Hechos 3:6|
Ano ra ko Pita, Ko te hiriwa me te koura kahore i ahau; ko te mea ia kei ahau, maku tena e hoatu ki a koe: I runga i te ingoa o Ihu Karaiti o Nahareta, whakatika, haere.
-
7
|Hechos 3:7|
Katahi ia ka hopu i tona ringa matau ka whakaara ake i a ia: i reira tonu kua whai kaha ona waewae me nga pona.
-
8
|Hechos 3:8|
A, ko tona mawhititanga ake, ka tu, ka timata te haere, tomo tahi ana me raua ki te temepara, e haere ana, e tupeke ana, e whakamoemiti ana ki te Atua.
-
9
|Hechos 3:9|
A i kite te iwi katoa i a ia e haere ana, e whakamoemiti ana ki te Atua.
-
10
|Hechos 3:10|
Katahi ratou ka mohio ki a ia, ko ia ano tera i noho ra ki te tatau Ataahua o te temepara, tono mea ai mana: na nui atu to ratou miharo me te ihiihi ki taua mea i pa ki a ia.
-
-
Sugerencias
Haga clic para leer 1 Corintios 11-13