-
-
Maori -
-
1
|Esdras 7:1|
¶ I muri i enei mea, i te kingitanga o Arataherehe kingi o Pahia, na ko Etera tama a Heraia, tama a Ataria, tama a Hirikia,
-
2
|Esdras 7:2|
Tama a Harumu, tama a Haroko, tama a Ahitupu,
-
3
|Esdras 7:3|
Tama a Amaria, tama a Ataria, tama a Meraioto,
-
4
|Esdras 7:4|
Tama a Terahia, tama a Uti, tama a Puki,
-
5
|Esdras 7:5|
Tama a Apihua, tama a Pinehaha, tama a Ereatara, tama a Arona tino tohunga:
-
6
|Esdras 7:6|
I haere mai tenei Etera i Papurona; na he karaipi kakama ia ki te ture a Mohi i homai nei e Ihowa, e te Atua o Iharaira. I runga ano i a ia te ringa o Ihowa, o tona Atua, a homai ana e te kingi ki a ia nga mea katoa i tonoa e ia.
-
7
|Esdras 7:7|
Na i haere mai ano etahi o nga tama a Iharaira, no nga tohunga hoki, o nga Riwaiti, o nga kaiwaiata, o nga kaitiaki keti, o nga Netinimi, ki Hiruharama i te whitu o nga tau o Kingi Arataherehe.
-
8
|Esdras 7:8|
Na kua tae ia ki Hiruharama i te rima o nga marama o te whitu o nga tau o te kingi.
-
9
|Esdras 7:9|
No te tuatahi hoki o nga ra o te marama tuatahi i timata ai ia te haere mai i Papurona, a no te tuatahi o nga ra o te rima o nga marama i tae mai ai ki Hiruharama, i runga hoki i a ia te ringa pai o tona Atua.
-
10
|Esdras 7:10|
I whakatikaia hoki e Etera tona ngakau ki te rapu i te ture a Ihowa, ki te mahi ano hoki, a ki te whakaako i a Iharaira ki nga tikanga, ki nga whakaritenga.
-
-
Sugerencias
Haga clic para leer 1 Corintios 5-7