-
Leer por capítulos:
-
Maori -
-
2
|Éxodo 20:2|
Ko Ihowa ahau, ko tou Atua, naku koe i whakaputa mai i te whenua o Ihipa, i te whare pononga.
-
3
|Éxodo 20:3|
Aua etahi atua ke atu mou ki mua i ahau.
-
4
|Éxodo 20:4|
Kei hanga koe i te whakapakoko mou, i tetahi ritenga ranei o nga mea o te rangi i runga, o te whenua ranei i raro, o te wai ranei i raro i te whenua:
-
5
|Éxodo 20:5|
Kei koropiko koe ki ena mea, kei mahi ranei ki ena mea; ko Ihowa hoki ahau, ko tou Atua, he Atua hae, e mea ana i nga hara o nga matua kia tau iho ki nga tamariki a te toru, te wha ra ano o nga whakatupuranga o te hunga e kino ana ki ahau;
-
6
|Éxodo 20:6|
E whakaputa aroha ana hoki ki nga mano, ki te hunga e aroha ana ki ahau, e whakarite ana i aku ture.
-
7
|Éxodo 20:7|
Kei whakahuatia noatia e koe te ingoa o Ihowa, o tou Atua; e kore hoki a Ihowa e mea, he harakore te tangata e whakahua noa ana i tona ingoa.
-
8
|Éxodo 20:8|
Kia mahara ki te ra hapati, kia whakatapua.
-
9
|Éxodo 20:9|
E ono nga ra e mahi ai koe, e mea ai hoki i au mea katoa;
-
10
|Éxodo 20:10|
Tena ko te ra whitu, he hapati no Ihowa, no tou Atua: kaua e mahia tetahi mahi i reira e koe, e tau tama, e tau tamahine, e tau pononga tane, e tau pononga wahine, e au kararehe hoki, me tou tangata ke i roto i ou tatau;
-
11
|Éxodo 20:11|
E ono hoki nga ra i hanga ai e Ihowa te rangi, me te whenua, te moana, me nga mea katoa i roto, a okioki ana i te ra whitu: na reira i whakapaingia ai te ra hapati e Ihowa, a whakatapua ana.
-
-
Sugerencias
Haga clic para leer 2 Corintios 5-7