-
-
Maori -
-
21
|Marcos 5:21|
¶ A, no te whitinga atu ano o Ihu ki tawahi i runga i te kaipuke, he nui te tangata i huihui ki a ia: i te taha ano ia o te moana.
-
22
|Marcos 5:22|
Na ko te haerenga mai o tetahi o nga rangatira o te whare karakia, ko Hairuha tona ingoa; ka kite i a ia, ka takoto ki ona waewae,
-
23
|Marcos 5:23|
He nui tana inoi ki a ia, ka mea, Ko taku tamahine nohinohi kei te whakahemohemo: kia haere ake koe ki te whakapa i ou ringa ki a ia kia ora ai; a ka ora.
-
24
|Marcos 5:24|
Na haere tahi ana raua; he tini hoki te tangata i aru i a ia, popo tonu ki a ia.
-
25
|Marcos 5:25|
Na ko tetahi wahine e mate ana i te pakaruhanga toto, ka tekau ma rua nga tau,
-
26
|Marcos 5:26|
He maha nga meatanga a nga rata tokomaha ki a ia, hemo noa ana rawa katoa, te matutu ake tetahi wahi, heoi kake haere ana te mate;
-
27
|Marcos 5:27|
A, no tona rongonga ki a Ihu, ka haere i muri i roto i te mano, a pa ana ki tona kakahu.
-
28
|Marcos 5:28|
I mea hoki, Ahakoa pa kau ahau ki ona kakahu, ka ora ahau.
-
29
|Marcos 5:29|
A mimiti tonu ake te puna o ona toto; no ka mahara a roto o tona tinana kua ora ia i te mate.
-
30
|Marcos 5:30|
Na mohio tonu a Ihu kua puta he mana i roto i a ia, ka tahurihuri i roto i te mano, ka mea, Ko wai tenei kua pa nei ki oku kakahu?
-
-
Sugerencias
Haga clic para leer 1 Corintios 5-7