-
-
Maori -
-
21
|Marcos 7:21|
No roto hoki, no te ngakau o nga tangata te putanga o nga whakaaro kino, o nga moepuku,
-
22
|Marcos 7:22|
O nga tahae, o nga kohuru, o nga puremu, o nga hiahia apo, o nga kino, o te tinihanga, o te hiahia taikaha, o te kanohi kino, o te kohukohu, o te whakapehapeha, o te wairangi:
-
23
|Marcos 7:23|
No roto te putanga ake o enei kino katoa, a ma reira e noa ai te tangata.
-
24
|Marcos 7:24|
¶ Na ka whakatika atu ia i reira, ka haere ki nga wahi o Taira, o Hairona; a tomo ana ki tetahi whare, kihai hoki ia i pai kia rongo tetahi tangata: otiia kihai ia i ngaro.
-
25
|Marcos 7:25|
I reira hoki ka rangona ia e tetahi wahine, he wairua poke to tana kotiro, a haere ana mai, takoto ana ki ona waewae:
-
26
|Marcos 7:26|
He wahine Kariki hoki ia, ko Hairopinihia tona iwi; ka inoi ki a ia kia peia e ia te rewera i roto i tana kotiro.
-
27
|Marcos 7:27|
Na ka mea a Ihu ki a ia, Tukua kia matua makona nga tamariki: e kore hoki e pai kia tangohia te taro a nga tamariki, kia maka ma nga kuri.
-
28
|Marcos 7:28|
Otira ka whakahoki ia, ka mea ki a ia, Ae ra, e te Ariki, e kai ana ano nga kuri i raro i te tepu i nga kongakonga a nga tamariki.
-
29
|Marcos 7:29|
Na ka mea ia ki a ia, Koia kei tena kupu, haere; kua puta te rewera i roto i tau kotiro.
-
30
|Marcos 7:30|
A ka haere atu ia ki tona whare, na rokohanga atu e takoto ana tana kotiro i runga i te moenga, kua puta te rewera.
-
-
Sugerencias
Haga clic para leer Salmos 18-22