-
Leer por capítulos:
90-
Maori -
-
1
|Salmos 90:1|
¶ He inoi na Mohi, na te tangata a te Atua. E te Ariki, ko koe to matou nohoanga i nga whakatupuranga katoa.
-
2
|Salmos 90:2|
Kahore ano i whanau noa nga maunga, kahore i hanga e koe te whenua me te ao, ko koe te Atua no tua whakarere a ake tonu atu.
-
3
|Salmos 90:3|
E whakahokia ana e koe te tangata kia mongamonga noa, a e mea ana, E hoki, e nga tama a te tangata.
-
4
|Salmos 90:4|
Ki tau titiro hoki, he rite nga tau kotahi mano ki te ra onanahi, kua pahure atu nei, ki te mataaratanga hoki i te po.
-
5
|Salmos 90:5|
Me te mea na te waipuke tau kahakinga i a ratou; he moe ratou: i te ata ano he tarutaru e tupu ana.
-
6
|Salmos 90:6|
I te ata e tupu ana, e pihi ana: i te ahiahi kua kotia, kua maroke.
-
7
|Salmos 90:7|
¶ Kua hemo nei hoki matou i tou riri: ka ohorere hoki i tou aritatanga.
-
8
|Salmos 90:8|
Kua maka e koe o matou kino ki tou aroaro, o matou mea huna ki te marama o tou mata.
-
9
|Salmos 90:9|
Ka pau o matou ra katoa, me te riri ano koe: hemo ake o matou tau ano he korero e korerotia ana.
-
10
|Salmos 90:10|
Ko nga ra o o matou tau e whitu tekau tau; a ki te whai kaha, ka waru tekau tau; heoi he mahi mauiui, he pouri to ratou kaha; ka hohoro hoki te hatepea atu, a ka rere atu matou.
-
-
Sugerencias
Haga clic para leer 1 Corintios 5-7