Hebreus 4 - Versão BS - Novo Tempo - BibliaOnLine

Hebreus

Leia por capítulos

Comentário sobre a Leitura Bíblica de Hoje

1

2

3

4

5

6

7

8

9

10

11

12

13

Bibla Shqiptare

Capítulo 4

₁ |Hebreus 4:1| Në fakt neve si edhe atyre u ishte shpallur lajmi i mirë, por fjala e predikimit nuk u dha dobi fare, sepse nuk qe e bashkuar me besimin tek ata që e dëgjuan.

₂ |Hebreus 4:2| Sepse ne që besuam hyjmë në prehje, siç tha ai: "Kështu u përbetova në mërinë time: nuk do të hyjnë në prehjen time', ndonëse veprat e tij u mbaruan që kur se u krijua bota.

₃ |Hebreus 4:3| Sepse diku ai ka thënë kështu për të shtatën ditë: "Dhe Perëndia u preh të shtatën ditë nga të gjitha veprat e tij';

₄ |Hebreus 4:4| dhe po aty: "Nuk do të hyjnë në prehjen time'.

₅ |Hebreus 4:5| Mbasi, pra, mbetet që disa të hyjnë në të, ndërsa ata që u ungjillzuan më përpara nuk hyjnë për shkak të mosbesimit të tyre,

₆ |Hebreus 4:6| ai cakton përsëri një ditë: "Sot", duke thënë, mbas kaq kohe, me gojën e Davidit: "Sot, në qoftë se e dëgjoni zërin e tij, mos u bëni zemërgur'.

₇ |Hebreus 4:7| Sepse, në qoftë se Jozueu do t´u kishte dhënë prehje, Perëndia nuk do të kishte folur për një ditë tjetër.

₈ |Hebreus 4:8| Mbetet, pra, një pushim i së shtunës për popullin e Perëndisë.

₉ |Hebreus 4:9| Sepse kush ka hyrë në prehjen e tij, ka bërë pushim edhe ai nga veprat e veta, ashtu si Perëndia nga të tijat.

₁₀ |Hebreus 4:10| Le të përpiqemi, pra, të hyjmë në atë prehje, që askush të mos bjerë në atë shëmbull të mosbindjes.

- Sugestões