Oséias 9 - Versão BS - Novo Tempo - BibliaOnLine

Oséias

Leia por capítulos

Comentário sobre a Leitura Bíblica de Hoje

1

2

3

4

5

6

7

8

9

10

11

12

13

14

Bibla Shqiptare

Capítulo 9

₁ |Oséias 9:1| Mos u gëzo, o Izrael, për të ngazëlluar si popujt e tjerë, sepse je kurvëruar duke u larguar nga Perëndia yt; ke dashur pagesën e prostitutës në të gjithë lëmenjtë e grurit.

₂ |Oséias 9:2| Lëmi dhe trokulli nuk do t´i ushqejnë dhe mushti do t´i lërë të zhgënjyer.

₃ |Oséias 9:3| Ata nuk do të banojnë në vendin e Zotit, por Efraimi do të kthehet në Egjipt dhe në Asiri do të hanë ushqime të papastra.

₄ |Oséias 9:4| Nuk do t´i bëjnë më libacione vere Zotit dhe flijimet e tyre nuk do të pëlqehen prej tij. Do të jenë për ta si një ushqim zie; kushdo që do ta hajë do të ndotet, sepse buka e tyre do të vlejë për t´i mbajtur në jetë, nuk do të hyjë në shtëpinë e Zotit.

₅ |Oséias 9:5| Çfarë do të bëni në ditët solemne dhe në ditët e kremtimit të Zotit?

₆ |Oséias 9:6| Sepse ja, ndonëse i kanë shpëtuar shkatërrimit, Egjipti do t´i mbledhë bashkë, Mofi do t´i varrosë; gjërat e tyre të çmuara prej argjendi do t´i pushtojnë hithrat, dhe në çadrat e tyre do të rriten ferrat.

₇ |Oséias 9:7| Kanë ardhur ditët e ndëshkimit, kanë ardhur ditët e shpagimit; Izraeli do ta mësojë. Profeti është një i pamend, njeriu i frymës flet përçart, për shkak të madhësisë së paudhësisë sate dhe të madhësisë së armiqësisë sate.

₈ |Oséias 9:8| Roja e Efraimit është me Perëndinë tim, por profeti yt është një lak i gjuetarit të zogjve në të gjitha rrugët e tij; ka armiqësi në shtëpinë e Perëndisë së tij.

₉ |Oséias 9:9| Ata u korruptuan thellë si në ditët e Gibeahut; por ai do ta mbajë mend paudhësinë e tyre, do të ndëshkojë mëkatet e tyre.

₁₀ |Oséias 9:10| "Unë gjeta Izraelin si rrushi në shkretëtirë, pashë etërit tuaj si fiqtë e parë mbi një fik të ri. Por, mbasi arritën në Baal-peor, u dhanë pas poshtërsisë dhe u bënë të neveritshëm si ajo që ata donin.

- Sugestões