-
-
Bibla Shqiptare -
-
1
|ZacarÃas 11:1|
Hapi dyert e tua, Liban, me qëllim që zjarri të djegë kedrat e tu.
-
2
|ZacarÃas 11:2|
Vajto, selvi, sepse kedri ka rënë, sepse drurët madhështorë janë shkatërruar. Këlthisni, lisa të Bashanit, sepse pylli i padepërtueshëm është rrëzuar.
-
3
|ZacarÃas 11:3|
Dëgjohet vajtimi i barinjve, sepse shkëlqimi i tyre u shkretua; dëgjohet vrumbullima e luanëve të vegjël, sepse madhështia e Jordanit u shkretua.
-
4
|ZacarÃas 11:4|
Kështu thotë Zoti, Perëndia im: "Kulloti delet që janë caktuar për thertore,
-
5
|ZacarÃas 11:5|
blerësit e të cilave vrasin dhe nuk konsiderohen fajtorë dhe shitësit e të cilave thonë: "Qoftë bekuar Zoti, sepse unë po pasurohem" dhe barinjtë e të cilave nuk kanë kurrfarë mëshire.
-
6
|ZacarÃas 11:6|
Nuk do të kem më mëshirë për banorët e vendit", thotë Zoti, "madje do të bëj që secili prej tyre të bjerë në dorë të të afërmit të vet dhe në dorë të mbretit të vet. Ata do ta shkretojnë vendin dhe nuk do të çliroj asnjë nga duart e tyre".
-
7
|ZacarÃas 11:7|
Atëherë nisa t´i kullos delet që ishin caktuar për thertore, pikërisht më të mjerat e kopesë. Mora pastaj për vete dy shkopinj: njërin e quajta "Hir" dhe tjetrin "Bashkim", dhe nisa ta kullos kopenë.
-
8
|ZacarÃas 11:8|
Brenda një muaj eliminova tre barinj. Unë isha i paduruar me ta, edhe ata gjithashtu më urrenin.
-
9
|ZacarÃas 11:9|
Atëherë thashë: "Nuk do t´i kullos më; kush është duke vdekur, le të vdesë dhe kush është për të humbur, le të humbasë; pastaj ato që do të mbeten le të hanë njëra tjetrën".
-
10
|ZacarÃas 11:10|
Mora pastaj shkopin tim "Hir" dhe e theva, për të shfuqizuar besëlidhjen që kisha lidhur me gjithë popujt.
-
-
Sugestões
Clique para ler Apocalipse 21-21