-
-
Maori -
-
1
|1 Corintios 3:1|
¶ Na ko ahau, e oku teina, kihai i ahei te korero ki a koutou me taku ki te hunga i te Wairua, engari i te kikokiko, ano ki nga kohungahunga i roto i a te Karaiti.
-
2
|1 Corintios 3:2|
He waiu taku i whangai atu na ma koutou, ehara i te kai maro: kiano hoki i taea e koutou te kai maro, a kahore nei ano i taea e koutou inaianei:
-
3
|1 Corintios 3:3|
Kei te kikokiko tonu hoki koutou: i te mea kei a koutou tonu te hae, te totohe, te wehewehe, ehara oti koutou i te hunga i te kikokiko, e haere ana i runga i ta te tangata ritenga?
-
4
|1 Corintios 3:4|
I tetahi hoki ka ki nei, Ko ahau no Paora; me tetahi atu, Ko ahau no Aporo, ehara oti koutou i te hunga i te kikokiko?
-
5
|1 Corintios 3:5|
¶ Tena ko wai a Aporo? a ko wai a Paora? He minita i whakapono ai koutou; ki ia tangata i ta te Ariki i homai ai.
-
6
|1 Corintios 3:6|
Naku i whakato, na Aporo i whakamakuku; na te Atua ia i mea kia tupu.
-
7
|1 Corintios 3:7|
Heoi he kore noa iho te kaiwhakato, he kore noa iho te kaiwhakamakuku, engari te Atua nana nei i mea kia tupu.
-
8
|1 Corintios 3:8|
Na ko te kaiwhakato, ko te kaiwhakamakuku, kotahi tonu raua: otira ka rite ki tana ake mahi te utu e riro mai i tena, i tena o raua.
-
9
|1 Corintios 3:9|
He hoa mahi hoki matou no te Atua: he mara koutou na te Atua, he whare hanga na te Atua.
-
10
|1 Corintios 3:10|
Kei te ritenga o te aroha noa o te Atua i homai nei ki ahau, kua whakatakotoria e ahau te tunga, he pera me ta te tohunga; a ko tetahi atu kei te hanga whare ki runga. Otira kia tupato ia tangata ki tana whare e hanga ai ki runga.
-
-
Sugerencias
Haga clic para leer Juan 16-18