-
-
Maori -
-
1
|2 Corintios 2:1|
¶ Otira kua takoto tenei i roto i ahau, kia kaua toku hokinga atu ki a koutou e waiho i runga i te pouri.
-
2
|2 Corintios 2:2|
Na, ki te whakapouri hoki ahau i a koutou, ko wai hoki hei whakaora i toku ngakau? ko ia anake e whakapouritia nei e ahau.
-
3
|2 Corintios 2:3|
A i tuhituhi atu ahau i taua mea nei ano ki a koutou, kei tae atu ahau, ka whakapouritia ahau e te hunga i tika nei ma ratou ahau e whakahari; i te u o toku whakaaro ki a koutou katoa, ko toku hari te hari o koutou katoa.
-
4
|2 Corintios 2:4|
He nui hoki no te pouri, no te mamae o te ngakau, i tuhituhi atu ai ahau ki a koutou me nga roimata maha: ehara i te mea hei whakapouri i a koutou, engari kia matau ai koutou ki toku aroha e hira rawa nei ki a koutou.
-
5
|2 Corintios 2:5|
¶ Mehemea na tetahi i whakapouri, ehara i te mea e whakapouri ana ia i ahau, engari i a koutou katoa; i tetahi wahi ia, e kore nei ahau e mea rawa he nui.
-
6
|2 Corintios 2:6|
E rahi ana mo taua tu tangata ko tenei whiu i whakapangia nei e te tokomaha.
-
7
|2 Corintios 2:7|
Engari rawa ia me whakarere noa iho tana e koutou, ka whakamarie i a ia, kei tupono ka horomia ia e tona pouri nui rawa.
-
8
|2 Corintios 2:8|
Koia ahau ka inoi ki a koutou, kia whakaukia to koutou aroha ki a ia.
-
9
|2 Corintios 2:9|
Na konei ano hoki ahau i tuhituhi atu ai, hei whakamatau i a koutou, mehemea e ngohengohe ana koutou i nga mea katoa.
-
10
|2 Corintios 2:10|
Ko te tangata e whakarerea ai e koutou tana, ka whakarerea ano e ahau: ko taku hoki i whakarere noa ai, mehemea i pera ahau, he whakaaro ki a koutou, i whakarerea noatia e ahau i te aroaro o te Karaiti;
-
-
Sugerencias
Haga clic para leer 1 Corintios 1-4