-
-
Maori -
-
1
|2 Samuel 22:1|
¶ I korerotia e Rawiri ki a Ihowa nga kupu o tenei waiata i te ra i whakaorangia ai ia e Ihowa i te ringa o ona hoariri katoa, i te ringa ano o Haora:
-
2
|2 Samuel 22:2|
¶ I mea ia, Ko Ihowa toku teko, toku pourewa, ko toku kaiwhakaora hoki ia, ae ra ko toku;
-
3
|2 Samuel 22:3|
Ko te Atua toku kamaka, ka whakawhirinaki ahau ki a ia; ko toku whakangungu rakau, ko te haona o toku whakaoranga, ko toku pa tiketike, ko toku rerenga atu; e toku kaiwhakaora, whakaorangia ana ahau e koe i te tutu.
-
4
|2 Samuel 22:4|
Ka karanga ahau ki a Ihowa e tika nei kia whakamoemititia: a ka whakaorangia ahau i oku hoariri.
-
5
|2 Samuel 22:5|
I karapotia ahau e nga ngaru o te mate, i whakawehia ahau e nga waipuke o te kino.
-
6
|2 Samuel 22:6|
I roritia ahau e nga taura a te reinga: potaea ana ahau e nga mahanga a te mate.
-
7
|2 Samuel 22:7|
I karanga ahau ki a Ihowa i toku paweratanga, ae ra, i karanga ahau ki toku Atua: a i whakarongo ia ki toku reo i roto i tona temepara, i tae hoki taku hamama ki ona taringa.
-
8
|2 Samuel 22:8|
Na ka ngaueue te whenua, ka ru; wiri ana nga putake o nga rangi, ngaueue ana, no te mea e riri ana ia.
-
9
|2 Samuel 22:9|
I kake he paowa i ona pongaponga, a ka kai te kapura o roto o tona mangai: ngiha ana nga waro.
-
10
|2 Samuel 22:10|
I whakapingoretia e ia nga rangi, a ka heke iho: a i raro te pouri kerekere i ona waewae.
-
-
Sugerencias
Haga clic para leer Salmos 18-22