-
Leer por capítulos:
-
Maori -
-
11
|Deuteronomio 2:11|
I korerotia hoki ratou he roroa, he pera me nga Anakimi; na nga Moapi ia ratou i hua he Emime.
-
12
|Deuteronomio 2:12|
I noho hoki nga Hori ki Heira i mua; a, muri iho i a ratou, ko nga tama a Ehau, na ratou hoki te hunanga i era i o ratou aroaro, a noho iho ana ki to ratou wahi, rite tahi ta ratou ki ta Iharaira i mea ai ki te whenua i riro mai i a ia, i homai nei e Ihowa ki a ratou.
-
13
|Deuteronomio 2:13|
Tena, whakatika, whiti atu i te awa, i Terete: na ka whiti mai tatou i te awa, i Terete.
-
14
|Deuteronomio 2:14|
A ko nga ra i haere mai ai tatou i Kareheparenea, a tae noa ki to tatou whitinga mai i te awa, i Terete, e toru tekau ma waru nga tau, no ka poto atu i roto i te ope te whakapaparanga katoa o nga tangata hapai patu; te pera me ta Ihowa i oati ai ki a ratou.
-
15
|Deuteronomio 2:15|
I runga ano hoki i a ratou te ringa o Ihowa e whakamate ana i a ratou i te puni a poto noa ratou.
-
16
|Deuteronomio 2:16|
A ka poto katoa nga tangata hapai patu te mate atu i roto i te iwi.
-
17
|Deuteronomio 2:17|
Na ka korero a Ihowa ki ahau, ka mea,
-
18
|Deuteronomio 2:18|
Hei tenei ra koe haere ai ma Ara, ma te rohe o Moapa.
-
19
|Deuteronomio 2:19|
A, e tata atu koe ki te ritenga atu o nga tama a Amona, kaua e whawhai ki a ratou, kaua ano hoki e whakatari pakanga ki a ratou: e kore hoki e hoatu e ahau tetahi wahi o te whenua o nga tama a Amona hei kainga mou, no te mea kua hoatu e ahau hei kainga mo nga tama a Rota.
-
20
|Deuteronomio 2:20|
I korerotia hoki tera he whenua tangata roroa; i noho hoki nga tangata roroa ki reira i mua, a huaina iho ratou e nga Amoni he Hamahumi.
-
-
Sugerencias
Haga clic para leer Salmos 23-30