-
Leer por capítulos:
-
Maori -
-
1
|Deuteronomio 5:1|
¶ A i karanga atu a Mohi ki a Iharaira katoa, i mea ki a ratou, Whakarongo, e Iharaira, ki nga tikanga, ki nga whakaritenga e korerotia nei e ahau ki o koutou taringa i tenei ra, ka ako ai, ka pupuri ai, ka mahi ai.
-
2
|Deuteronomio 5:2|
I whakarite a Ihowa, to tatou Atua, i te kawenata ki a tatou i Horepa.
-
3
|Deuteronomio 5:3|
Kihai a Ihowa i whakarite i tenei kawenata ki o tatou matua; engari ki a tatou, ki a tatou nei ano, e ora katoa nei i konei inaianei.
-
4
|Deuteronomio 5:4|
I korero a kanohi mai a Ihowa ki a koutou i te maunga i waenganui o te ahi;
-
5
|Deuteronomio 5:5|
Ko ahau i tu i waenganui o Ihowa, o koutou, i taua wa, hei whakapuaki ki a koutou i te korero a Ihowa: i wehi hoki koutou i te ahi, kihai hoki i piki ake ki te maunga; i mea ia,
-
6
|Deuteronomio 5:6|
¶ Ko Ihowa ahau, ko tou Atua, naku koe i whakaputa mai i te whenua o Ihipa, i te whare pononga.
-
7
|Deuteronomio 5:7|
Aua etahi atua ke atu mou ki mua i ahau.
-
8
|Deuteronomio 5:8|
Kei hanga koe i te whakapakoko mou, i tetahi ritenga ranei o nga mea o te rangi i runga, o te whenua ranei i raro, o te wai ranei i raro i te whenua.
-
9
|Deuteronomio 5:9|
Kei koropiko koe ki ena mea, kei mahi ranei ki ena mea: ko Ihowa hoki ahau ko tou Atua, he Atua hae, e mea ana i nga hara o nga matua kia tau iho ki nga tamariki a te toru, te wha ra ano o nga whakatupuranga o te hunga e kino ana ki ahau;
-
10
|Deuteronomio 5:10|
E whakaputa aroha ana hoki ki nga mano, ki te hunga e aroha ana ki ahau, e whakarite ana i aku ture.
-
-
Sugerencias
Haga clic para leer 1 Corintios 11-13