-
Leer por capítulos:
-
Maori -
-
21
|Deuteronomio 32:21|
Na ratou ahau i mea kia hae ki te mea ehara i te Atua; i whakapataritari kia riri ki a ratou mea horihori: na maku ratou e mea kia hae ki te hunga ehara i te iwi; maku ratou e whakapataritari kia riri ki te iwi poauau.
-
22
|Deuteronomio 32:22|
Ka ngiha hoki te ahi i ahau e riri ana, ka toro atu ki te takere ra ano o te reinga, pau ake hoki te whenua, tahuna ana nga turanga o nga maunga.
-
23
|Deuteronomio 32:23|
Ka opehia e ahau nga kino ki runga ki a ratou; ka whakapotoa aku pere ki a ratou.
-
24
|Deuteronomio 32:24|
Ka hemo ratou i te matekai, ka pau hoki i te hana o te wera me te hunanga nui whakaharahara; maku hoki e tuku iho te niho o nga kararehe ki a ratou, me te huwhare whakamate o nga mea e ngoki ana i te puehu.
-
25
|Deuteronomio 32:25|
Ko te hoari ki waho whakamate ai, ko te wehi ki roto i nga whare; mana e huna ngatahi te taitama me te taitamahine, te mea ngote u raua ko te tangata hina.
-
26
|Deuteronomio 32:26|
¶ I mea ahau, ka whakamararatia ratou e ahau ki tawhiti, ka meinga e ahau kia mutu te mahara ki a ratou i roto i nga tangata:
-
27
|Deuteronomio 32:27|
Me i kahore ahau te wehi i te ngakau kino o te hoa whawhai, kei pohehe ona hoariri, kei mea ratou, Kua kake to tatou ringa, kahore ano hoki a Ihowa i mea i enei mea katoa.
-
28
|Deuteronomio 32:28|
He iwi whakaarokore hoki ratou, a kahore he mohio i roto i a ratou.
-
29
|Deuteronomio 32:29|
E, me i tupato ratou, me i mohio ki tenei, me i whakaaro ki to ratou mutunga iho!
-
30
|Deuteronomio 32:30|
Me pehea e whai ai te kotahi i te mano, e whati ai nga mano kotahi tekau i te tokorua, me i kahore ratou i hokona e to ratou Kamaka, i tukua atu hoki e Ihowa?
-
-
Sugerencias
Haga clic para leer Levítico 11-12