-
Leer por capítulos:
-
Maori -
-
12
|Deuteronomio 28:12|
Ka whakatuwheratia e Ihowa ki a koe tana taonga pai, te rangi hei homai i te ua ki tou whenua i tona po ano, hei manaaki hoki i nga mahi katoa a tou ringa: a ka tuku moni atu koe ki nga iwi maha, e kore ano koe e tango i te moni tarewa.
-
13
|Deuteronomio 28:13|
A ka meinga koe e Ihowa hei upoko, e kore hoki e waiho hei hiku; ki runga anake koe, a kahore ki raro; ki te whakarongo koe ki nga whakahau a Ihowa, a tou Atua, e whakahau atu nei ahau i tenei ra ki a koe, a ka puritia e koe, ka mahia;
-
14
|Deuteronomio 28:14|
Ki te kore e peka atu i tetahi o nga kupu e whakahau nei ahau i tenei ra ki a koe, ki matau ranei, ki maui ranei, whai ai ki nga atua ke, mahi ai ki a ratou.
-
15
|Deuteronomio 28:15|
¶ Engari ki te kore koe e whakarongo ki te reo o Ihowa, o tou Atua, e mau hoki ki te mahi i ana whakahau katoa, i ana tikanga, e whakahau atu nei ahau i tenei ra ki a koe; na ka tae mai ki a koe, ka hopu i a koe, enei kanga katoa.
-
16
|Deuteronomio 28:16|
Ka kanga koe i te pa, ka kanga koe i te mara.
-
17
|Deuteronomio 28:17|
Ka kanga tau kete me tau pokepokenga paraoa.
-
18
|Deuteronomio 28:18|
Ka kanga te hua o tou kopu, me te hua o tou oneone, te uri o au kau, me nga kuao o au hipi.
-
19
|Deuteronomio 28:19|
Ka kanga koe i tou haerenga mai, ka kanga hoki koe i tou haerenga atu.
-
20
|Deuteronomio 28:20|
Ka tukua e Ihowa ki a koe te kanga, te tuatea me te whakatupehupehu, ki nga mea katoa e toro atu ai tou ringa ki te mahi, kia ngaro ra ano koe, kia hohoro ra ano te mate atu; mo te kino o au mahi, i whakarere nei koe i ahau.
-
21
|Deuteronomio 28:21|
Ka meinga e Ihowa te mate uruta kia piri tonu ki a koe, kia whakapotoa atu ra ano koe e ia i runga i te whenua e haere atu na koe ki reira ki te tango.
-
-
Sugerencias
Haga clic para leer 1 Corintios 11-13