-
Leer por capítulos:
-
Maori -
-
1
|Ezequiel 27:1|
¶ I puta mai ano te kupu a Ihowa ki ahau, i mea,
-
2
|Ezequiel 27:2|
Kia anga atu akuanei tau tangi, e te tama a te tangata, ki a Taira;
-
3
|Ezequiel 27:3|
Mea atu hoki ki a Taira, E koe e noho nei i te tapokoranga mai o te moana, ko koe nei te kaihokohoko o nga iwi ki nga motu maha, Ko te kupu tenei a te Ariki, a Ihowa; E Taira, kua mea na koe, Ko ahau te mea ataahua rawa.
-
4
|Ezequiel 27:4|
Kei waenga moana ou rohe, oti rawa koe te whakaataahua e ou kaihanga.
-
5
|Ezequiel 27:5|
No nga kauri o Heniri nga papa katoa i hanga ai ou kaipuke; i tikina ano he hita i Repanona hei hanga rewa mau.
-
6
|Ezequiel 27:6|
No nga oki o Pahana nga hoe i hanga mau, ou taumanu he mea hanga ki te rei, he mea kua oti te whakanoho ki te ake o nga motu o Kitimi.
-
7
|Ezequiel 27:7|
He rinena pai, he mea whakairo no Ihipa te mea i wherahia e koe hei komaru mou, hei kara mau; ko te hipoki mou, he puru, he papura no nga motu o Eriha.
-
8
|Ezequiel 27:8|
Ko au kaihoe ko nga tangata o Hairona, o Arawara; ko au kaiurungi ko nga tangata whakaaro nui i roto i a koe, e Taira.
-
9
|Ezequiel 27:9|
I roto nga kaumatua o Kepara i a koe, me nga tangata whakaaro nui o reira hei kaimono mau: i a koe nga kaipuke katoa o te moana, me o ratou kaiwhakatere, hei hoko i ou taonga.
-
10
|Ezequiel 27:10|
I roto i tou ope ko Pahia, ko Ruru, ko Putu, he hoia nau: whakairihia ake ana e ratou te puapua me te potae i roto i a koe; he mea whakahonore koe na ratou.
-
-
Sugerencias
Haga clic para leer 1 Corintios 1-4