-
-
Maori -
-
1
|Lucas 19:1|
¶ A ka tomo ia, a tika ana ra waenganui o Heriko,
-
2
|Lucas 19:2|
Na ko tetahi tangata, ko Hakiaha te ingoa i huaina ai, he rangatira pupirikana, he tangata taonga ano:
-
3
|Lucas 19:3|
I whai ia kia kite i a Ihu he pehea ranei ia: heoi kihai i taea ia i te mano, he tangata poto hoki.
-
4
|Lucas 19:4|
Na ka oma ia ki mua, a kake ana ki tetahi hokamora, kia kite i a ia: meake hoki ia tika ra reira.
-
5
|Lucas 19:5|
A, no ka tae a Ihu ki taua wahi, ka titiro ake, ka mea ki a ia, E Hakiaha, kia hohoro te heke iho; me noho hoki ahau ki tou whare aianei.
-
6
|Lucas 19:6|
A hohoro tonu tona heke iho, a ka koa ki a ia hei manuhiri mana.
-
7
|Lucas 19:7|
A, i to ratou kitenga, ka amuamu katoa, ka mea, Kua riro ia ki te tangata hara noho ai.
-
8
|Lucas 19:8|
Na ka tu a Hakiaha, ka mea ki te Ariki, E te Ariki, na e hoatu ana e ahau te hawhe o aku taonga ki te hunga rawakore; a, ki te mea kua riro he mai i ahau te mea a tetahi, ka takiwhatia e ahau taku utu.
-
9
|Lucas 19:9|
Na ko te meatanga a Ihu ki a ia, Nonaianei te ora i tae mai ai ki tenei whare, he tama nei hoki ia na Aperahama.
-
10
|Lucas 19:10|
I haere mai hoki te Tama a te tangata ki te rapu, ki te whakaora i te mea i ngaro.
-
-
Sugerencias
Haga clic para leer 1 Corintios 1-4