-
-
Maori -
-
11
|Lucas 23:11|
Na ka whakakorekore a Herora ratou ko ana hoia ki a ia, ka taunu, a ka oti ia te whakakakahu ki te kahu whakapaipai, ka whakahokia atu ki a Pirato.
-
12
|Lucas 23:12|
I taua rangi ano ka houhia te rongo a Pirato raua ko Herora: i mua hoki e mauahara ana ki a raua.
-
13
|Lucas 23:13|
¶ Na ka karangatia e Pirato nga tohunga nui, nga rangatira, me te iwi ano,
-
14
|Lucas 23:14|
Ka mea ia ki a ratou, kua kawea mai nei e koutou tenei tangata ki ahau, me te ki ano kei te kukume ke ia i te iwi: a ka oti nei ia te uiui e ahau i to koutou aroaro, na, kihai i mau i ahau tetahi he o tenei tangata i roto i nga mea i whakapangia nei e koutou ki a ia.
-
15
|Lucas 23:15|
A kihai ano hoki a Herora: nana ia i whakahoki mai ki a tatou, na, kahore ana mahi e tika ai kia mate ia.
-
16
|Lucas 23:16|
Na, me whiu ia e ahau, ka tuku atu ai.
-
17
|Lucas 23:17|
Kua takoto hoki te tikanga kia tukua atu tetahi ki a ratou i te hakari.
-
18
|Lucas 23:18|
Na ka panui ratou ki te karanga, ka mea, Whakamatea tenei, ko Parapa te tuku mai ki a matou:
-
19
|Lucas 23:19|
Ko tenei hoki i maka ki te whare herehere mo te nananga i nana ai ia i roto i te pa, mo te patu tangata.
-
20
|Lucas 23:20|
Na ka mea atu ano a Pirato, he mea hoki nana kia tukua a Ihu;
-
-
Sugerencias
Haga clic para leer 1 Corintios 5-7