-
-
Maori -
-
21
|Lucas 2:21|
¶ A, no ka rite nga ra e waru, e kotia ai te tamaiti, ka huaina tona ingoa ko IHU, ko ta te anahera i hua ai ia te mea kahore ano i hapu tona whaea.
-
22
|Lucas 2:22|
A ka rite nga ra e purea ai te whaea, e whakaritea ai te ture a Mohi, ka kawea ia e ratou ki Hiruharama, kia tapaea ki te Ariki.
-
23
|Lucas 2:23|
Kia peratia me te mea i tuhituhia ki te ture a te Ariki, Ko nga tane katoa e oroko puta mai i te kopu, e kiia he tapu ki te Ariki.
-
24
|Lucas 2:24|
Kia hoatu ano he patunga tapu, te mea i korerotia i roto i te ture a te Ariki, Kia rua kukupa, kia rua ranei pi kukupa.
-
25
|Lucas 2:25|
¶ Na, i Hiruharama tetahi tangata, ko Himiona te ingoa; he tangata tika, he tangata whakaaro, e tatari ana ki te whakaharinga o Iharaira: kei runga hoki te Wairua Tapu i a ia.
-
26
|Lucas 2:26|
Na kua whakamaharatia ia e te Wairua Tapu, e kore ia e kite i te mate, kia kite ra ano ia i ta te Ariki Karaiti.
-
27
|Lucas 2:27|
Na ka haere ia ki te temepara, he meatanga na te Wairua: a i nga matua e mau ana i te tamaiti, i a Ihu, kia meatia ai e raua ki a ia ta te ture i whakarite ai,
-
28
|Lucas 2:28|
Ka tango ia i a ia ki ona ringa, ka whakapai ki te Atua, ka mea,
-
29
|Lucas 2:29|
Katahi, e te Ariki, ka tukua tau pononga kia haere i runga i te rangimarie, ka pera me tau i korero ai:
-
30
|Lucas 2:30|
Ka kite nei hoki oku kanohi i tau whakaoranga,
-
-
Sugerencias
Haga clic para leer 2 Crónicas 5-7