-
-
Maori -
-
35
|Lucas 12:35|
Whitikiria o koutou hope, tahuna nga rama kia ka;
-
36
|Lucas 12:36|
Ko to koutou rite hei nga tangata e tatari ana ki to ratou rangatira, ina hoki mai i te hakari o te marena; mo tona tae rawa mai, ka patoto, na uaki tonu atu ratou ki a ia.
-
37
|Lucas 12:37|
Ka koa nga pononga e rokohina mai e to ratou rangatira, a tona taenga mai, e mataara ana: he pono taku e mea nei ki a koutou, ka whitiki ia i a ia, a ka mea i a ratou kia noho, ka haere ki te mahi mea ma ratou.
-
38
|Lucas 12:38|
A ki te haere mai ia i te rua o nga mataaratanga, i te toru ranei, a ka rokohina mai e pera ana ano, ka koa aua pononga.
-
39
|Lucas 12:39|
Otira kia mohio koutou ki tenei, me i matau te tangata i te whare, ki te wa e haere mai ai te tahae, kua mataara ia, a kahore i tukua kia pokaia tona whare.
-
40
|Lucas 12:40|
Kia tatanga ra koutou: no te mea e puta mai te Tama a te tangata i te haora e kore ai koutou e mahara.
-
41
|Lucas 12:41|
¶ Na ka mea a Pita ki a ia, E te Ariki, ki a matou tenei kupu whakarite e korero nei koe? ki te katoa ranei?
-
42
|Lucas 12:42|
Na ka mea te Ariki, Ko wai ra te tuari pono, mahara, e meinga e tona ariki hei rangatira mo ana tangata, hei hoatu i te mehua kai i te wa e tika ai?
-
43
|Lucas 12:43|
Ka koa taua pononga, ki te rokohina e tona rangatira ina tae mai, e pena ana.
-
44
|Lucas 12:44|
He pono taku e mea nei ki a koutou, ka meinga ia hei rangatira mo ana taonga katoa.
-
-
Sugerencias
Haga clic para leer 2 Corintios 8-10