-
Leer por capítulos:
-
Maori -
-
1
|Mateo 17:1|
¶ A ka pahure nga ra e ono, ka mau a Ihu ki a Pita, ki a Hemi raua ko tona teina ko Hoani, na kawea ana ratou e ia ki runga ki tetahi maunga tiketike ki te wahi motu ke.
-
2
|Mateo 17:2|
A ka puta ke tona ahua i to ratou aroaro: whiti tonu tona mata me te ra, ma tonu ona kakahu me te marama.
-
3
|Mateo 17:3|
Na, ka kitea e ratou a Mohi raua ko Iraia e korerorero ana ki a ia.
-
4
|Mateo 17:4|
Katahi ka oho a Pita, ka mea ki a Ihu, E te Ariki, he pai kia noho tatou i konei: ki te pai koe, ma matou e hanga etahi wharau ki konei kia toru; kia kotahi mou, kia kotahi mo Mohi, kia kotahi mo Iraia.
-
5
|Mateo 17:5|
I a ia ano e korero ana, na ka taumarumaru iho te kapua marama i runga i a ratou: na he reo no te kapua e mea ana, Ko taku Tama tenei i aroha ai, ko taku i ahuareka ai; whakarongo ki a ia.
-
6
|Mateo 17:6|
Ano ka rongo nga akonga, ka takoto tapapa ratou, he nui hoki to ratou wehi.
-
7
|Mateo 17:7|
Na ka haere a Ihu, ka pa ki a ratou, ka mea, Whakatika, kaua e wehi.
-
8
|Mateo 17:8|
A, no ka ara ake o ratou kanohi, kahore he tangata i kitea e ratou, ko Ihu anake.
-
9
|Mateo 17:9|
Na, i a ratou e heke iho ana i te maunga, ka whakatupato a Ihu i a ratou, ka mea, Kaua e korerotia ki te tangata te mea i kitea nei, kia ara ake ra ano te Tama a te tangata i te hunga mate.
-
10
|Mateo 17:10|
A ka ui ana akonga ki a ia, ka mea, He aha nga karaipi ka mea ai, ko Iraia kia matua puta mai?
-
-
Sugerencias
Haga clic para leer 1 Corintios 14-16