-
Leer por capítulos:
-
Maori -
-
1
|Mateo 27:1|
¶ A, ka takiri te ata, ka runanga nga tohunga nui katoa me nga kaumatua o te iwi mo Ihu kia whakamatea:
-
2
|Mateo 27:2|
A, no ka oti ia te here, ka arahina atu, tukua ana ki a Pirato, ki te kawana.
-
3
|Mateo 27:3|
A, no te kitenga o Hura, o te kaituku i a ia, kua whakaaetia ia kia whakamatea, ka puta ke tona whakaaro, whakahokia ana e ia nga hiriwa e toru tekau ki nga tohunga nui ratou ko nga kaumatua,
-
4
|Mateo 27:4|
Ka mea, Kua hara ahau i taku tukunga i te toto harakore. Ka mea ratou, Hei aha ma matou? mau tena e titiro.
-
5
|Mateo 27:5|
Na maka iho e ia nga hiriwa ki te whare tapu, a puta ana ki waho, haere ana, tarona ana i a ia.
-
6
|Mateo 27:6|
Na ka tango nga tohunga nui i nga hiriwa, ka mea, E kore e tika kia panga enei ki te takotoranga moni, he utu toto hoki.
-
7
|Mateo 27:7|
No ka runanga ratou, a hokona ana ki aua mea te mara a te kaihanga rihi, hei tanumanga mo nga manene.
-
8
|Mateo 27:8|
Na reira hoki i huaina ai taua mara, Ko te Mara o te Toto, a mohoa noa nei,
-
9
|Mateo 27:9|
Katahi ka rite ta Heremaia poropiti i korero ai, i mea ai, Tangohia ana e ratou nga hiriwa e toru tekau, te utu mo te tangata i whakaritea nei ona utu, i whakaritea nei nga utu e etahi o nga tama a Iharaira;
-
10
|Mateo 27:10|
A hoatu ana mo te mara a te kaihanga rihi; i pera ano me ta te `Ariki i whakarite ai ki ahau.
-
-
Sugerencias
Haga clic para leer 1 Corintios 1-4