-
Leer por capítulos:
-
Maori -
-
1
|Mateo 2:1|
¶ Na, i te mea kua whanau nei a Ihu ki Peterehema o Huria, i nga ra o Kingi Herora, na, ka haere mai etahi Maki i te rawhiti ki Hiruharama,
-
2
|Mateo 2:2|
Ka mea, Kei hea tenei kua whanau nei hei kingi mo nga Hurai? i kite hoki matou i tona whetu i te rawhiti, a ka tae mai nei ki te koropiko ki a ia.
-
3
|Mateo 2:3|
A, no te rongonga o Kingi Herora, ka ohorere ratou ko Hiruharama katoa.
-
4
|Mateo 2:4|
Na whakaminea katoatia ana e ia nga tohunga nui me nga karaipi o te iwi, a ka ui ki a ratou ki te wahi e whanau ai a te Karaiti.
-
5
|Mateo 2:5|
Ka mea ratou ki a ia, Ki Peterehema o Huria: ko ta te poropiti hoki tenei i tuhituhi ai,
-
6
|Mateo 2:6|
A ko koe, e Peterehema, whenua o Hura, ehara rawa i te iti rawa i roto i nga kawana o Hura: e puta mai hoki i a koe he kawana, hei hepara mo taku iwi, mo Iharaira.
-
7
|Mateo 2:7|
Na, ka oti nga Maki te karanga puku e Herora, ka uia marietia ratou ki te wa i puta mai ai te whetu.
-
8
|Mateo 2:8|
A unga ana ratou e ia ki Peterehema, i mea ia, Haere, rapua marietia te tamaiti; a, ka kitea, ka whakahoki mai i te korero ki ahau, kia haere ai hoki ahau ki te koropiko ki a ia.
-
9
|Mateo 2:9|
¶ Na, ka rongo ratou i ta te kingi, ka haere; na ko te whetu, i kite ai ratou i te rawhiti, e haere ana i mua i a ratou, a tae noa, tu noa ki runga ake i te takotoranga o te tamaiti.
-
10
|Mateo 2:10|
A, i to ratou kitenga i te whetu, ko te tino haringa i hari ai.
-
-
Sugerencias
Haga clic para leer 1 Corintios 5-7