-
Leer por capítulos:
-
Maori -
-
13
|Mateo 22:13|
Na ka mea te kingi ki nga kaimahi, Herea ona ringa, ona waewae, kawea atu, maka ki te pouri i waho rawa; ko te wahi tera o te tangi, o te tetea o nga niho.
-
14
|Mateo 22:14|
He tokomaha hoki e karangatia, he ruarua ia e whiriwhiria.
-
15
|Mateo 22:15|
¶ Me i reira ka haere nga Parihi, ka runanga ki te pehea e mau ai tetahi kupu ana.
-
16
|Mateo 22:16|
A ka tonoa ki a ia a ratou akonga me nga tangata piri ki a Herora, hei mea, E te Kaiwhakaako, e matau ana matou he pono koe, e whakaako ana koe i te ara a te Atua i runga i te pono, e kore ano ta te tangata e whakaaroa e koe: e kore nei hoki koe e titiro ki te kanohi tangata.
-
17
|Mateo 22:17|
Tena, korerotia ki a matou, E pehea ana tou whakaaro? He mea tika ranei te hoatu takoha ki a Hiha, kahore ranei?
-
18
|Mateo 22:18|
Otiia i mohio a Ihu ki to ratou whakaaro kino, a ka mea, He aha ta koutou e whakamatautau na i ahau, e te hunga tinihanga?
-
19
|Mateo 22:19|
Tena koa, kia kite ahau i te moni takoha. A mauria mai ana e ratou ki a ia he pene.
-
20
|Mateo 22:20|
Na ka mea ia ki a ratou, No wai tenei ahua me te tuhituhinga?
-
21
|Mateo 22:21|
Ka mea ratou ki a ia, No Hiha. Katahi ia ka mea ki a ratou, Hoatu ki a Hiha nga mea a Hiha; ki te Atua ano nga mea a te Atua.
-
22
|Mateo 22:22|
Ka rongo ratou, ka miharo: a mahue ake ia i a ratou, a haere ana ratou.
-
-
Sugerencias
Haga clic para leer 1 Corintios 8-10