-
Leer por capítulos:
-
Tagalog - Ang Dating Biblia (1905) -
-
1
|Deuteronomio 5:1|
At tinawag ni Moises ang buong Israel, at sinabi sa kanila, Dinggin mo, Oh Israel, ang mga palatuntunan at mga kahatulan na aking sinalita sa inyong mga pakinig sa araw na ito, upang matutunan ninyo sila, at ingatan at isagawa sila.
-
2
|Deuteronomio 5:2|
Ang Panginoong ating Dios ay nakipagtipan sa atin sa Horeb.
-
3
|Deuteronomio 5:3|
Hindi pinagtibay ng Panginoon ang tipang ito sa ating mga magulang, kundi sa atin, sa atin ngang nangariritong lahat na buhay sa araw na ito.
-
4
|Deuteronomio 5:4|
Sinalita ng Panginoon sa inyo ng mukhaan sa bundok mula sa gitna ng apoy
-
5
|Deuteronomio 5:5|
(Ako'y tumayo sa pagitan ng Panginoon at ninyo nang panahong yaon, upang ipatalastas sa inyo ang salita ng Panginoon: sapagka't kayo'y natatakot dahil sa apoy, at hindi kayo sumampa sa bundok;) na sinasabi,
-
6
|Deuteronomio 5:6|
Ako ang Panginoon mong Dios na naglabas sa iyo sa lupain ng Egipto, sa bahay ng pagkaalipin.
-
7
|Deuteronomio 5:7|
Huwag kang magkakaroon ng ibang mga Dios sa harap ko.
-
8
|Deuteronomio 5:8|
Huwag kang gagawa para sa iyo ng larawang inanyuan na kawangis ng anomang anyong nasa itaas sa langit, o ng nasa ibaba sa lupa, o ng nasa tubig sa ilalim ng lupa:
-
9
|Deuteronomio 5:9|
Huwag mong yuyukuran sila o paglilingkuran man sila: sapagka't akong Panginoon mong Dios ay mapanibughuing Dios, na aking dinadalaw ang kasamaan ng mga magulang sa mga anak, sa ikatlo at sa ikaapat na salin ng nangapopoot sa akin;
-
10
|Deuteronomio 5:10|
At pinagpapakitaan ko ng kaawaan ang libolibong umiibig sa akin at tumutupad ng aking mga utos.
-
-
Sugerencias
Haga clic para leer 1 Corintios 5-7