-
-
Tagalog - Ang Dating Biblia (1905) -
-
1
|Lucas 1:1|
Yamang marami ang nagpilit mag-ayos ng isang kasaysayan noong mga bagay na naganap sa gitna natin,
-
2
|Lucas 1:2|
Alinsunod sa ipinatalos sa atin nilang buhat sa pasimula ay mga saksing nangakakakita at mga ministro ng salita,
-
3
|Lucas 1:3|
Ay minagaling ko naman, pagkasiyasat na lubos ng pangyayari ng lahat ng mga bagay mula nang una, na isulat sa iyong sunodsunod, kagalanggalang na Teofilo;
-
4
|Lucas 1:4|
Upang mapagkilala mo ang katunayan tungkol sa mga bagay na itinuro sa iyo.
-
5
|Lucas 1:5|
Nagkaroon nang mga araw ni Herodes, hari sa Judea, ng isang saserdoteng ang ngala'y Zacarias, sa pulutong ni Abias: at ang naging asawa niya ay isa sa mga anak na babae ni Aaron, at ang kaniyang ngala'y Elisabet.
-
6
|Lucas 1:6|
At sila'y kapuwa matuwid sa harap ng Dios, na nagsisilakad na walang kapintasan sa lahat ng mga utos at mga palatuntunan ng Panginoon.
-
7
|Lucas 1:7|
At wala silang anak, sapagka't baog si Elisabet, at sila'y kapuwa may pataw ng maraming taon.
-
8
|Lucas 1:8|
Nangyari nga, na samantalang ginaganap niya ang pagkasaserdote sa harapan ng Dios ayon sa kapanahunan ng kaniyang pulutong,
-
9
|Lucas 1:9|
Alinsunod sa kaugalian ng tungkuling pagkasaserdote, ay naging palad niya ang pumasok sa templo ng Panginoon at magsunog ng kamangyan.
-
10
|Lucas 1:10|
At ang buong karamihan ng mga tao ay nagsisipanalangin sa labas sa oras ng kamangyan.
-
-
Sugerencias
Haga clic para leer Santiago 1-5