-
-
Tagalog - Ang Dating Biblia (1905) -
-
1
|Lucas 2:1|
Nangyari nga nang mga araw na yaon na lumabas ang isang utos mula kay Augusto Cesar, na magpatala ang buong sanglibutan.
-
2
|Lucas 2:2|
Ito ang unang talaang-mamamayan na ginawa nang si Quirinio ay gobernador sa Siria.
-
3
|Lucas 2:3|
At nagsisiparoon ang lahat upang sila'y mangatala, bawa't isa sa kaniyang sariling bayan.
-
4
|Lucas 2:4|
At si Jose naman ay umahon mula sa Galilea, mula sa bayan ng Nazaret, hanggang sa Judea, sa bayan ni David, na kung tawagi'y Bet-lehem, sapagka't siya'y sa angkan at sa lahi ni David;
-
5
|Lucas 2:5|
Upang patala siya pati ni Maria, na magaasawa sa kaniya, na kasalukuyang kagampan.
-
6
|Lucas 2:6|
At nangyari, samantalang sila'y nangaroroon, at naganap ang mga kaarawang dapat siyang manganak.
-
7
|Lucas 2:7|
At kaniyang ipinanganak ang panganay niyang anak na lalake; at ito'y binalot niya ng mga lampin, at inihiga sa isang pasabsaban, sapagka't wala nang lugar para sa kanila sa tuluyan.
-
8
|Lucas 2:8|
At may mga pastor ng tupa sa lupain ding yaon na nangasa parang, na pinagpupuyatan sa gabi ang kanilang kawan.
-
9
|Lucas 2:9|
At tumayo sa tabi nila ang isang anghel ng Panginoon, at ang kaluwalhatian ng Panginoon ay nagliwanag sa palibot nila: at sila'y totoong nangatakot.
-
10
|Lucas 2:10|
At sinabi sa kanila ng anghel, Huwag kayong mangatakot; sapagka't narito, dinadalhan ko kayo ng mabubuting balita ng malaking kagalakan, na siyang sasa buong bayan:
-
-
Sugerencias
Haga clic para leer 1 Pedro 1-5