-
-
Tagalog - Ang Dating Biblia (1905) -
-
1
|Lucas 24:1|
Datapuwa't nang unang araw ng sanglinggo pagkaumagang-umaga, ay nagsiparoon sila sa libingan, na may dalang mga pabango na kanilang inihanda.
-
2
|Lucas 24:2|
At nasumpungan nilang naigulong na ang bato mula sa libingan.
-
3
|Lucas 24:3|
At sila'y nagsipasok, at hindi nila nangasumpungan ang bangkay ng Panginoong Jesus.
-
4
|Lucas 24:4|
At nangyari, na samantalang sila'y nangatitilihan dahil dito, narito, tumayo sa tabi nila ang dalawang lalake na nakasisilaw ang mga damit:
-
5
|Lucas 24:5|
At nang sila'y nangatatakot at nangakatungo ang kanilang mga mukha sa lupa ay sinabi nila sa kanila, Bakit hinahanap ninyo ang buhay sa gitna ng mga patay?
-
6
|Lucas 24:6|
Wala siya rito, datapuwa't nagbangon: alalahanin ninyo ang salita niya sa inyo nang siya'y nasa Galilea pa,
-
7
|Lucas 24:7|
Na sinasabi, Kinakailangan na ang Anak ng tao ay ibigay sa mga kamay ng mga taong makasalanan, at ipako sa krus, at magbangong muli sa ikatlong araw.
-
8
|Lucas 24:8|
At naalaala nila ang kaniyang mga salita,
-
9
|Lucas 24:9|
At nagsibalik mula sa libingan, at ibinalita ang lahat ng mga bagay na ito sa labingisa, at sa lahat ng mga iba pa.
-
10
|Lucas 24:10|
Sila nga'y si Maria Magdalena, si Juana, at si Mariang ina ni Santiago: at iba pang mga babaing kasama nila ang nangagbalita ng mga bagay na ito sa mga apostol.
-
-
Sugerencias
Haga clic para leer 1 Pedro 1-5