-
-
Tagalog - Ang Dating Biblia (1905) -
-
11
|Lucas 24:11|
At ang mga salitang ito'y inakala nilang walang kabuluhan; at hindi nila pinaniwalaan.
-
12
|Lucas 24:12|
Datapuwa't nagtindig si Pedro, at tumakbo sa libingan; at nang siya'y tumungo pagtingin niya sa loob, ay nakita niya ang mga kayong lino na nangasa isang tabi; at umuwi siya sa kaniyang bahay na nanggigilalas sa nangyaring yaon.
-
13
|Lucas 24:13|
At narito, dalawa sa kanila ay naparoroon nang araw ding yaon sa isang nayong ngala'y Emaus, na may anim na pung estadio ang layo sa Jerusalem.
-
14
|Lucas 24:14|
At kanilang pinaguusapan ang lahat ng mga bagay na nangyari.
-
15
|Lucas 24:15|
At nangyari, na samantalang sila'y naguusap at nagtatanongan, na si Jesus din ay lumapit, at nakisabay sa kanila.
-
16
|Lucas 24:16|
Datapuwa't sa mga mata nila'y may nakatatakip upang siya'y huwag nilang makilala.
-
17
|Lucas 24:17|
At sinabi niya sa kanila, Ano ang mga salitaan ninyong ito sa inyong paglalakad? At sila'y nagsitigil, na nangalulumbay ang mga mukha.
-
18
|Lucas 24:18|
At isa sa kanila, na nagngangalang Cleopas, sa pagsagot ay sinabi sa kaniya, Ikaw baga'y nakikipamayan lamang sa Jerusalem, at hindi nakaalam ng mga bagay na doo'y nangyari nang mga araw na ito?
-
19
|Lucas 24:19|
At sinabi niya sa kanila, Anong mga bagay? At sinabi nila sa kaniya, Ang mga bagay tungkol kay Jesus na Nazareno, na isang propetang makapangyarihan sa gawa at sa salita sa harap ng Dios at ng buong bayan:
-
20
|Lucas 24:20|
At kung paano ang pagkabigay sa kaniya ng mga pangulong saserdote at ng mga pinuno upang hatulan sa kamatayan, at siya'y ipako sa krus.
-
-
Sugerencias
Haga clic para leer 2 Crónicas 5-7