-
-
Tagalog - Ang Dating Biblia (1905) -
-
1
|Eclesiastés 1:1|
Ang mga salita ng Mangangaral, na anak ni David, hari sa Jerusalem.
-
2
|Eclesiastés 1:2|
Walang kabuluhan ng mga walang kabuluhan, sabi ng Mangangaral; walang kabuluhan ng mga walang kabuluhan, lahat ay walang kabuluhan.
-
3
|Eclesiastés 1:3|
Anong pakinabang mayroon ang tao sa lahat ng kaniyang gawa, na kaniyang ginagawa sa ilalim ng araw?
-
4
|Eclesiastés 1:4|
Isang salin ng lahi ay yumayaon, at ibang salin ng lahi ay dumarating; nguni't ang lupa ay nananatili magpakailan man.
-
5
|Eclesiastés 1:5|
Ang araw naman ay sumisikat, at ang araw ay lumulubog, at nagmamadali sa dakong sinisikatan nito.
-
6
|Eclesiastés 1:6|
Ang hangin ay yumayaon sa dakong timugan, at pumipihit sa hilagaan: at laging pumipihit na patuloy, at ang hangin ay bumabalik uli ayon sa kaniyang pihit.
-
7
|Eclesiastés 1:7|
Lahat ng mga ilog ay humuhugos sa dagat, gayon may hindi napupuno ang dagat; sa dakong hinuhugusan ng mga ilog, doon din nagsisihugos uli ang mga yaon.
-
8
|Eclesiastés 1:8|
Lahat ng mga bagay ay puspos ng pagaalapaap; hindi maisasaysay ng tao: ang mata ay hindi nasisiyahan ng pagtingin, ni ang tainga man ay nasisiyahan sa pakikinig.
-
9
|Eclesiastés 1:9|
Yaong nangyari ay siyang mangyayari; at yaong nagawa ay siyang magagawa: at walang bagong bagay sa ilalim ng araw.
-
10
|Eclesiastés 1:10|
May bagay ba na masasabi ang mga tao, Tingnan mo, ito'y bago? nayari nga sa mga panahon na una sa atin.
-
-
Sugerencias
Haga clic para leer 1 Pedro 1-5