-
Leer por capítulos:
-
Tagalog - Ang Dating Biblia (1905) -
-
39
|Éxodo 39:39|
Ang dambanang tanso, at ang pinakasalang tanso, ang mga pingga at ang lahat ng mga sisidlan niyaon, ang hugasan at ang tungtungan;
-
40
|Éxodo 39:40|
Ang mga tabing ng looban, ang mga haligi, at ang mga tungtungan at ang tabing na pangpintuang-daan ng looban, ang mga panali, at ang mga tulos, at lahat ng mga kasangkapan sa paglilingkod sa tabernakulo, na gamit sa tabernakulo ng kapisanan;
-
41
|Éxodo 39:41|
Ang maiinam na pagkayaring kasuutan na gamit sa pangangasiwa sa dakong banal, at ang mga banal na kasuutan para kay Aaron na saserdote, at ang mga kasuutan ng kaniyang mga anak, upang mangasiwa sa katungkulang saserdote.
-
42
|Éxodo 39:42|
Ayon sa lahat na iniutos ng Panginoon kay Moises, ay gayon ginawa ng mga anak ni Israel ang lahat ng gawa.
-
43
|Éxodo 39:43|
At nakita ni Moises ang lahat ng gawain, at, narito, kanilang nagawa na kung paanong iniutos ng Panginoon ay gayon nila ginawa: at pinagbabasbasan ni Moises.
-
1
|Éxodo 40:1|
At sinalita ng Panginoon kay Moises na sinasabi,
-
2
|Éxodo 40:2|
Sa unang araw ng unang buwan ay iyong itatayo ang tabernakulo ng kapisanan.
-
3
|Éxodo 40:3|
At iyong isisilid doon ang kaban ng patotoo, at iyong tatabingan ang kaban ng lambong.
-
4
|Éxodo 40:4|
At iyong ipapasok ang dulang, at iyong aayusin ang mga bagay na nasa ibabaw niyaon; at iyong ipapasok ang kandelero at iyong sisindihan ang mga ilawan niyaon.
-
5
|Éxodo 40:5|
At iyong ilalagay ang dambanang ginto para sa kamangyan sa harap ng kaban ng patotoo, at ilalagay mo ang tabing ng pintuan sa tabernakulo.
-
-
Sugerencias
Haga clic para leer Salmos 18-22