-
Leer por capítulos:
-
Tagalog - Ang Dating Biblia (1905) -
-
2
|Éxodo 20:2|
Ako ang Panginoon mong Dios, na naglabas sa iyo sa lupain ng Egipto, sa bahay ng pagkaalipin.
-
3
|Éxodo 20:3|
Huwag kang magkakaroon ng ibang mga dios sa harap ko.
-
4
|Éxodo 20:4|
Huwag kang gagawa para sa iyo ng larawang inanyuan o ng kawangis man ng anomang anyong nasa itaas sa langit, o ng nasa ibaba sa lupa, o ng nasa tubig sa ilalim ng lupa:
-
5
|Éxodo 20:5|
Huwag mong yuyukuran sila, o paglingkuran man sila; sapagka't akong Panginoon mong Dios, ay Dios na mapanibughuin, na aking dinadalaw ang katampalasanan ng mga magulang sa mga anak, hanggang sa ikatlo at ikaapat na salin ng lahi ng mga napopoot sa akin;
-
6
|Éxodo 20:6|
At pinagpapakitaan ko ng kaawaan ang libolibong umiibig sa akin at tumutupad ng aking mga utos.
-
7
|Éxodo 20:7|
Huwag mong babanggitin ang pangalan ng Panginoon mong Dios sa walang kabuluhan; sapagka't hindi aariin ng Panginoong walang sala ang bumanggit ng kaniyang pangalan sa walang kabuluhan.
-
8
|Éxodo 20:8|
Alalahanin mo ang araw ng sabbath upang ipangilin.
-
9
|Éxodo 20:9|
Anim na araw na gagawa ka at iyong gagawin ang lahat ng iyong gawain.
-
10
|Éxodo 20:10|
Nguni't ang ikapitong araw ay sabbath sa Panginoon mong Dios: sa araw na iyan ay huwag kang gagawa ng anomang gawa, ikaw, ni ang iyong anak na lalake ni babae, ni ang iyong aliping lalake ni babae, ni ang iyong baka, ni ang iyong tagaibang lupa na nasa loob ng iyong mga pintuang daan:
-
11
|Éxodo 20:11|
Sapagka't sa anim na araw ay ginawa ng Panginoon ang langit at lupa, ang dagat, at lahat ng nangaroon, at nagpahinga sa ikapitong araw; na ano pa't pinagpala ng Panginoon ang araw ng sabbath, at pinakabanal.
-
-
Sugerencias
Haga clic para leer 1 Corintios 14-16