-
Leer por capítulos:
-
Tagalog - Ang Dating Biblia (1905) -
-
1
|Números 1:1|
At ang Panginoon ay nagsalita kay Moises sa ilang ng Sinai sa tabernakulo ng kapisanan, nang unang araw ng ikalawang buwan, sa ikalawang taon pagkatapos na makaalis sila sa lupain ng Egipto, na sinasabi,
-
2
|Números 1:2|
Bilangin mo ang buong kapisanan ng mga anak ni Israel, ayon sa mga angkan nila, ayon sa mga sangbahayan ng kanikanilang mga magulang, ayon sa bilang ng mga pangalan, bawa't lalake ayon sa dami ng mga ulo nila;
-
3
|Números 1:3|
Mula sa dalawang pung taong gulang na patanda, lahat ng makalalabas sa Israel sa pakikibaka, na bibilangin ninyo at ni Aaron sila ayon sa kanilang mga hukbo.
-
4
|Números 1:4|
At magsasama kayo ng isang lalake ng bawa't lipi; na bawa't isa'y pangulo sa sangbahayan ng kaniyang mga magulang.
-
5
|Números 1:5|
At ito ang mga pangalan ng mga lalake na sasama sa inyo. Sa lipi ni Ruben: si Elisur na anak ni Sedeur.
-
6
|Números 1:6|
Sa lipi ni Simeon; si Selumiel na anak ni Zurisaddai.
-
7
|Números 1:7|
Sa lipi ni Juda; si Naason na anak ni Aminadab.
-
8
|Números 1:8|
Sa lipi ni Issachar; si Nathanael na anak ni Suar.
-
9
|Números 1:9|
Sa lipi ni Zabulon; si Eliab na anak ni Helon.
-
10
|Números 1:10|
Sa mga anak ni Jose: sa lipi ni Ephraim; si Elisama na anak ni Ammiud: sa lipi ni Manases; si Gamaliel na anak ni Pedasur.
-
-
Sugerencias
Haga clic para leer Salmos 18-22