-
-
Tagalog - Ang Dating Biblia (1905) -
-
10
|Romanos 7:10|
At ang utos na sa ikabubuhay, ay nasumpungan kong ito'y sa ikamamatay;
-
11
|Romanos 7:11|
Sapagka't ang kasalanan, nang makasumpong ng pagkakataon, ay dinaya ako sa pamamagitan ng utos, at sa pamamagitan nito ay pinatay ako.
-
12
|Romanos 7:12|
Kaya nga ang kautusan ay banal, at ang utos ay banal, at matuwid, at mabuti.
-
13
|Romanos 7:13|
Ang mabuti nga baga ay naging kamatayan sa akin? Huwag nawang mangyari. Kundi ang kasalanan, upang maipakilalang kasalanan, sa pamamagitan ng mabuti ay gumawa sa akin ng kamatayan; na sa pamamagitan ng utos ang kasalanan ay maging lalong sala.
-
14
|Romanos 7:14|
Sapagka't nalalaman natin na ang kautusa'y sa espiritu: nguni't ako'y sa laman, na ipinagbili sa ilalim ng kasalanan.
-
15
|Romanos 7:15|
Sapagka't ang ginagawa ko'y hindi ko nalalaman: sapagka't ang hindi ko ibig, ang ginagawa ko; datapuwa't ang kinapopootan ko, yaon ang ginagawa ko.
-
16
|Romanos 7:16|
Nguni't kung ang hindi ko ibig, ang siyang ginagawa ko, ay sumasangayon ako na mabuti ang kautusan.
-
17
|Romanos 7:17|
Kaya ngayo'y hindi ako ang gumagawa nito, kundi ang kasalanang tumitira sa akin.
-
18
|Romanos 7:18|
Sapagka't nalalaman ko na sa akin, sa makatuwid ay sa aking laman, ay hindi tumitira ang anomang bagay na mabuti: sapagka't ang pagnanasa ay nasa akin, datapuwa't ang paggawa ng mabuti ay wala.
-
19
|Romanos 7:19|
Sapagka't ang mabuti na aking ibig, ay hindi ko ginagawa: nguni't ang masama na hindi ko ibig, ay siya kong ginagawa.
-
-
Sugerencias
Haga clic para leer 1 Corintios 5-7