-
-
Afrikaans (1953) -
-
1
|Habacuc 1:1|
Die Godspraak wat Hábakuk, die profeet, gesien het.
-
2
|Habacuc 1:2|
Hoe lank, o HERE, roep ek om hulp, maar U hoor nie; skreeu ek tot U: Geweld! --maar U help nie?
-
3
|Habacuc 1:3|
Waarom laat U my onreg sien en aanskou U die moeite! Ja, verwoesting en geweld is voor my oë; en daar is stryd, en twis begin.
-
4
|Habacuc 1:4|
Daarom verloor die wet sy krag, en die reg kom nooit meer te voorskyn nie; want die goddelose omsingel die regverdige, daarom kom die reg verdraaid te voorskyn.
-
5
|Habacuc 1:5|
Aanskou onder die nasies en merk op, en staan verstom, verstom; want Ek gaan iets in julle dae doen wat julle nie sal glo as dit vertel word nie.
-
6
|Habacuc 1:6|
Want kyk, Ek gaan die Chaldeërs opwek, daardie kwaai en onstuimige nasie wat trek deur die wydtes van die aarde, om wonings in besit te neem wat aan hom nie behoort nie.
-
7
|Habacuc 1:7|
Verskriklik en gedug is hy, van homself gaan sy reg en hoogheid uit.
-
8
|Habacuc 1:8|
En vinniger as luiperds is sy perde en gouer as aandwolwe; en op 'n galop kom sy ruiters, ja, sy ruiters! Van ver kom hulle aangevlieg net soos 'n arend wat op sy prooi neerskiet!
-
9
|Habacuc 1:9|
Hulle kom almal om geweld te pleeg; die rigting van hulle gesigte is vorentoe, sodat hy gevangenes versamel soos sand.
-
10
|Habacuc 1:10|
Ook dryf hy die spot met konings, en vorste is vir hom 'n belagging; hy lag om elke vesting; hy hoop grond daarteen op en neem dit in.
-
-
Sugerencias
Haga clic para leer Job 1-2