-
Leer por capítulos:
-
Afrikaans (1953) -
-
1
|Ezequiel 1:1|
In die dertigste jaar, in die vierde maand, op die vyfde van die maand, toe ek onder die ballinge by die Kebarrivier was, is die hemele geopen en het ek gesigte van God gesien.
-
2
|Ezequiel 1:2|
Op die vyfde van die maand--dit was die vyfde jaar van die ballingskap van koning Jójagin--
-
3
|Ezequiel 1:3|
het die woord van die HERE uitdruklik gekom tot Eségiël, die seun van Busi, die priester, in die land van die Chaldeërs, by die Kebarrivier; en die hand van die HERE was daar op hom.
-
4
|Ezequiel 1:4|
Toe het ek gekyk--en daar het 'n stormwind uit die noorde gekom, 'n groot wolk met onophoudelike vuur; en 'n glans was rondom die wolk, en daaruit, uit die vuur, het iets soos blinkende metaal geskitter.
-
5
|Ezequiel 1:5|
En daaruit het die gestalte van vier wesens gekom, en dit was hulle voorkoms: hulle het die gestalte van 'n mens gehad;
-
6
|Ezequiel 1:6|
en elkeen het vier aangesigte gehad en elkeen van hulle vier vlerke;
-
7
|Ezequiel 1:7|
en hulle bene was reguit bene en hulle voetsole soos die sole van 'n kalfspoot; en hulle het geglinster soos blink geskuurde koper;
-
8
|Ezequiel 1:8|
en mensehande was onder hulle vlerke aan hulle vier kante. Maar aangaande die aangesigte en die vlerke van al vier,
-
9
|Ezequiel 1:9|
hulle vlerke was aanmekaar verbind. Hulle het nie weggedraai as hulle gaan nie; hulle het elkeen maar reguit vorentoe gegaan.
-
10
|Ezequiel 1:10|
En hulle aangesigte het gelyk soos die gesig van 'n mens; en al vier het die gesig van 'n leeu gehad aan die regterkant en al vier het die gesig van 'n bees aan die linkerkant; ook het al vier die gesig van 'n arend gehad.
-
-
Sugerencias
Haga clic para leer Santiago 1-5