-
Leer por capítulos:
-
Afrikaans (1953) -
-
1
|Ezequiel 39:1|
En jy, mensekind, profeteer teen Gog en sê: So spreek die Here HERE: Kyk, Ek het dit teen jou, o Gog, vors van Ros, Meseg en Tubal.
-
2
|Ezequiel 39:2|
En Ek sal jou weglok en jou lei en jou laat optrek uit die agterhoeke van die Noorde en jou laat kom op die berge van Israel.
-
3
|Ezequiel 39:3|
Maar Ek sal jou boog uit jou linkerhand slaan en jou pyle uit jou regterhand laat val.
-
4
|Ezequiel 39:4|
Op die berge van Israel sal jy val, jy en al jou leërs en die volke wat saam met jou is; aan die roofvoëls van allerhande vere en aan die wilde diere van die veld het Ek jou as voedsel gegee.
-
5
|Ezequiel 39:5|
Op die oop veld sal jy val; want Ek het dit gesê, spreek die Here HERE.
-
6
|Ezequiel 39:6|
En Ek sal 'n vuur slinger in Magog en onder hulle wat in die kuslande veilig woon; en hulle sal weet dat Ek die HERE is.
-
7
|Ezequiel 39:7|
En Ek sal my heilige Naam bekend maak onder my volk Israel en sal my heilige Naam nie meer laat ontheilig nie; en die nasies sal weet dat Ek die HERE is, die Heilige in Israel.
-
8
|Ezequiel 39:8|
Kyk, dit kom en gebeur, spreek die Here HERE. Dit is die dag waarvan Ek gespreek het.
-
9
|Ezequiel 39:9|
En die inwoners van die stede van Israel sal uitgaan en vuur maak en stook met die wapens: klein en groot skilde, met boë en pyle en knopkieries en spiese; en hulle sal daarmee vuur maak sewe jaar lank;
-
10
|Ezequiel 39:10|
sodat hulle geen hout uit die veld sal dra of in die bosse sal kap nie, maar met die wapens vuur sal maak; en hulle sal plunder die wat hulle geplunder het, en berowe die wat hulle beroof het, spreek die Here HERE.
-
-
Sugerencias
Haga clic para leer Job 3-5