-
-
Afrikaans (1953) -
-
1
|Hebreos 1:1|
Nadat God baiekeer en op baie maniere in die ou tyd gespreek het tot die vaders deur die profete, het Hy in hierdie laaste dae tot ons gespreek deur die Seun
-
2
|Hebreos 1:2|
wat Hy as erfgenaam van alles aangestel het, deur wie Hy ook die wêreld gemaak het.
-
3
|Hebreos 1:3|
Hy, wat die afskynsel is van sy heerlikheid en die afdruksel van sy wese en alle dinge dra deur die woord van sy krag, nadat Hy deur Homself die reiniging van ons sondes bewerk het, het gaan sit aan die regterhand van die Majesteit in die hoogte,
-
4
|Hebreos 1:4|
terwyl Hy soveel uitnemender geword het as die engele namate Hy 'n voortrefliker naam geërf het as hulle.
-
5
|Hebreos 1:5|
Want aan wie van die engele het Hy ooit gesê: U is my Seun, vandag het Ek U gegenereer? en weer: Ek sal vir Hom 'n Vader wees, en Hy sal vir My 'n Seun wees?
-
6
|Hebreos 1:6|
En wanneer Hy weer die Eersgeborene in die wêreld inbring, sê Hy: En al die engele van God moet Hom aanbid.
-
7
|Hebreos 1:7|
En van die engele sê Hy wel: Hy wat van sy boodskappers winde maak en van sy dienaars vuurvlamme;
-
8
|Hebreos 1:8|
maar van die Seun: U troon, o God, is tot in alle ewigheid, die septer van u koninkryk is 'n regverdige septer;
-
9
|Hebreos 1:9|
U het geregtigheid liefgehad en ongeregtigheid gehaat; daarom het, o God, u God U gesalf met vreugde-olie bo u metgeselle;
-
10
|Hebreos 1:10|
en: U, o Here, het in die begin die aarde gegrondves en die hemele is werke van u hande.
-
-
Sugerencias
Haga clic para leer Job 1-2