-
-
Afrikaans (1953) -
-
1
|Hebreos 10:1|
Want die wet, wat 'n skaduwee het van die toekomstige weldade, nie die beeld self van die dinge nie, kan nooit deur dieselfde offers wat jaar na jaar gedurig gebring word, die wat toetree, tot volmaaktheid lei nie.
-
2
|Hebreos 10:2|
Anders sou hulle opgehou het om geoffer te word, omdat die wat die diens verrig, nadat hulle een maal gereinig is, geen bewussyn meer van sondes sou gehad het nie.
-
3
|Hebreos 10:3|
Maar in dié offers is daar jaar na jaar 'n herinnering aan die sondes;
-
4
|Hebreos 10:4|
want die bloed van stiere en bokke kan onmoontlik die sonde wegneem.
-
5
|Hebreos 10:5|
Daarom sê Hy, as Hy in die wêreld inkom: Slagoffer en spysoffer wou U nie hê nie, maar U het vir My 'n liggaam berei.
-
6
|Hebreos 10:6|
Brandoffers en sondoffers het U nie behaag nie.
-
7
|Hebreos 10:7|
Toe het Ek gesê: Kyk, Ek kom--in die boekrol is dit van My geskrywe--om u wil te doen, o God.
-
8
|Hebreos 10:8|
Nadat Hy hierbo gespreek het: Slagoffer en spysoffer en brandoffers en sondoffers wou U nie hê en het U nie behaag nie--wat volgens die wet geoffer word--
-
9
|Hebreos 10:9|
het Hy daarna gesê: Kyk, Ek kom om u wil te doen, o God. Hy neem die eerste weg om die tweede te stel.
-
10
|Hebreos 10:10|
Deur hierdie wil is ons geheilig deur die offer van die liggaam van Jesus Christus, net een maal.
-
-
Sugerencias
Haga clic para leer 1 Corintios 1-4