-
-
Afrikaans (1953) -
-
1
|Hebreos 5:1|
Want elke hoëpriester wat uit die mense geneem word, tree ten behoewe van mense op in die dinge wat in betrekking tot God staan, om gawes en offers vir die sondes te bring
-
2
|Hebreos 5:2|
as een wat kan saamvoel met die onwetendes en dwalendes, omdat hy self ook met swakheid bevange is.
-
3
|Hebreos 5:3|
En daarom juis moet hy, net soos vir die volk, so ook vir homself vanweë die sondes offer.
-
4
|Hebreos 5:4|
En niemand neem die waardigheid vir homself nie, maar hy wat deur God geroep word, net soos Aäron.
-
5
|Hebreos 5:5|
So het Christus ook Homself nie verheerlik om Hoëpriester te word nie, maar Hy het Hom verheerlik wat vir Hom gesê het: U is my Seun, vandag het Ek U gegenereer.
-
6
|Hebreos 5:6|
Soos Hy ook op 'n ander plek sê: U is priester vir ewig volgens die orde van Melgisédek.
-
7
|Hebreos 5:7|
Hy wat in die dae van sy vlees gebede en smekinge met sterk geroep en trane aan Hóm geoffer het wat Hom uit die dood kon red, en ook verhoor is uit die angs--
-
8
|Hebreos 5:8|
Hy, al was Hy die Seun, het gehoorsaamheid geleer uit wat Hy gely het;
-
9
|Hebreos 5:9|
en nadat Hy volmaak is, het Hy vir almal wat Hom gehoorsaam is, 'n bewerker van ewige saligheid geword
-
10
|Hebreos 5:10|
en is deur God genoem 'n hoëpriester volgens die orde van Melgisédek;
-
-
Sugerencias
Haga clic para leer 1 Corintios 1-4