-
Leer por capítulos:
-
Afrikaans (1953) -
-
1
|Ezequiel 16:1|
Verder het die woord van die HERE tot my gekom en gesê:
-
2
|Ezequiel 16:2|
Mensekind, maak aan Jerusalem sy gruwels bekend
-
3
|Ezequiel 16:3|
en sê: So spreek die Here HERE tot Jerusalem: Jou afkoms en jou geboorte is uit die land van die Kanaäniete; jou vader was 'n Amoriet en jou moeder 'n Hetitiese vrou.
-
4
|Ezequiel 16:4|
En wat jou geboorte aangaan--die dag toe jy gebore is, is jou nawelstring nie afgesny nie; en jy is nie met water gewas om jou te reinig nie; ook is jy nie met sout ingevrywe of in doeke toegedraai nie.
-
5
|Ezequiel 16:5|
Geen oog het medelyde met jou gehad om vir jou een van hierdie dinge te doen, om vir jou jammer te wees nie; maar jy is op die oop veld gegooi uit afsku vir jou lewe, die dag toe jy gebore is.
-
6
|Ezequiel 16:6|
En Ek het by jou verbygegaan en jou sien spartel in jou bloed; toe het Ek vir jou gesê in jou bloed: Leef! Ja, Ek het vir jou gesê in jou bloed: Leef!
-
7
|Ezequiel 16:7|
Ontelbaar, soos die uitspruitsels van die veld, het Ek jou gemaak! En jy het gegroei en groot geword en die hoogste bloei bereik; jou borste het styf geword, en jou hare het gegroei, maar jy was naak en bloot.
-
8
|Ezequiel 16:8|
En Ek het by jou verbygegaan en jou gesien, en kyk, jou tyd was die tyd van liefde. Toe het Ek my vleuel oor jou uitgesprei en jou naaktheid toegedek. Ja, Ek het vir jou gesweer en met jou 'n verbond aangegaan, spreek die Here HERE, en jy het myne geword.
-
9
|Ezequiel 16:9|
Daarop het Ek jou met water gewas en jou bloed van jou afgespoel en jou met olie gesalf.
-
10
|Ezequiel 16:10|
Ook het Ek jou beklee met veelkleurige klere en vir jou skoene van robbevel gemaak, en Ek het jou gehul in fyn linne en jou oordek met sy.
-
-
Sugerencias
Haga clic para leer 1 Crónicas 28-29