-
-
Afrikaans (1953) -
-
21
|Joel 2:21|
Wees nie bevrees nie, o aarde, juig en wees bly, want die HERE doen groot dinge!
-
22
|Joel 2:22|
Wees nie bevrees nie, diere van die veld, want die weivelde van die woestyn spruit uit, want die bome dra hulle vrugte, die vyeboom en die wingerdstok lewer hulle drag!
-
23
|Joel 2:23|
En julle, kinders van Sion, juig en wees bly in die HERE julle God, want Hy gee julle die leraar tot geregtigheid en laat op julle neerdaal die reën, die vroeë reëns en die laat reëns, soos voorheen.
-
24
|Joel 2:24|
Dan sal die dorsvloere vol koring wees en die parskuipe van mos en olie oorloop.
-
25
|Joel 2:25|
En Ek sal julle vergoed die jare wat die treksprinkaan, die voetganger, die kaalvreter en die afknyper verslind het--my groot leërmag wat Ek teen julle gestuur het.
-
26
|Joel 2:26|
Dan sal julle oorvloedig eet en versadig wees en die Naam van die HERE julle God prys wat wonderbaar met julle gehandel het, en my volk sal in ewigheid nie beskaamd staan nie.
-
27
|Joel 2:27|
En julle sal weet dat Ek in die midde van Israel is, en dat Ek die HERE julle God is, en niemand anders nie; en my volk sal in ewigheid nie beskaamd staan nie.
-
28
|Joel 2:28|
En daarna sal Ek my Gees uitgiet op alle vlees, en julle seuns en julle dogters sal profeteer, julle ou mense drome droom, julle jongelinge gesigte sien.
-
29
|Joel 2:29|
En ook op die diensknegte en op die diensmaagde sal Ek in dié dae my Gees uitgiet.
-
30
|Joel 2:30|
En Ek sal wondertekens gee aan die hemel en op die aarde: bloed en vuur en rookpilare.
-
-
Sugerencias
Haga clic para leer 1 Pedro 1-5